މަރުވެގެން ހުޅުމާލޭ ހޮސްޕިޓަލަށް ގެނައި ބިދޭސީއަކު ކޮވިޑަށް ޕޮޒިޓިވް!
8 ނޮވެމްބަރު 2020 | އާދީއްތަ 10:54މަރުވީ 43 އަހަރުގެ މީހެއް
ހުޅުމާލެ ހޮސްޕިޓަލް، މި ހާދިސާގައި އިތުރަށް ބަލަން ޖެހޭ ކަންކަން ދަނީ ބަލަމުން
މަރުވެގެން ހުޅުމާލެ ހޮސްޕިޓަލަށް ގެންދިޔަ ބަންގްލަދޭޝް މީހަކު ކޮވިިޑް-19 އަށް ޕޮޒިޓިވްވެއްޖެއެވެ.
ހެލްތު އިމަރޖެންސީ އޮޕަރޭޝަން ސެންޓަރު (އެޗްއީއޯސީ) އިން ބުނީ މަރުވެގެން ހޮސްޕިޓަލަށް ގެންދިޔުމުން އޮންނަ ޕްރޮޓޮކޯލްގެ ތެރެއިން ކޮވިޑަށް ޓެސްޓު ކުރިއިރު ޕޮޒިޓިވްވެފައިވާ ކަމަށެވެ. އެޗްއީއޯސީއިން މައުލޫމާތު ދީފައިވާ ގޮތުގައި އެ މީހާއަކީ 43 އަހަރުގެ މީހެކެވެ.
އެ މީހާގެ މަރަކީ ކޮވިޑް މަރެއްގެ ގޮތުގައި މިހާތަނަށް ކަނޑައަޅާފައިނުވާ ކަމަށާއި، އިތުރަށް ބަލަން ޖެހޭ ކަންކަން ބަލަމުންދާ ކަމަށް އެޗްއީއޯސީން ވަނީ ބުނެފައެވެ. އަދި މި ހާދިސާއާ ގުޅޭ އިތުރު މައުލޫމާތު ހިއްސާ ކުރާނެ ކަމަށް އެޗްއީއޯސީން ބުނެއެވެ. ރާއްޖެއިން މިހާތަަނަށް ކޮވިޑް-19 ގައި މަރުވެފައި ވަނީ 39 މީހުންނެވެ.
