މިއަދު ޕޮޒިޓިވްވީ 39 މީހުން!
6 ނޮވެމްބަރު 2020 | ހުކުރު 17:57ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 11932 އަށް އަރާފައި
ކޮވިޑް-19 އަށް ސާމްޕަލް ނަގަނީ
ރާއްޖެއިން ކޮވިޑް-19 އަށް އިތުރު 39 މީހަކު ޕޮޒިޓިވް ވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާ ގޮތުން ހުކުރު ދުވަހު ޕޮޒިޓިވްވި މީހުންގެ ތެރޭގައި ހިމެނެނީ 20 ދިވެހިންނާއި 19 ބިދޭސީންނެވެ.
އޭގެތެރެއިން 32 މީހުން ޕޮޒިޓިވްވެފައި ވަނީ މާލެ ސަރަހައްދުންނެވެ. އަދި 7 މީހަކު ޕޮޒިޓިވްވެފައިވަނީ ރިސޯޓްތައް ހިމެނޭ ގޮތަށް އަތޮޅު ތެރެއިންނެވެ.
އެއާއެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 11932 އަށް އަރާފައެވެ.
އެޗްޕީއޭއިން ހާމަކޮށްފައިވާ ގޮތުން ހުކުރު ދުވަހު ވަނީ 1473 ސާމްޕަލްނަގާ ޓެސްޓް ކޮށްފައެވެ.
ރާއްޖޭގައި މިވަގުތު ބަލިން ފަސޭހަވި މީހުންގެ އަދަދު 11041 އަށް އަރާފައިވާއިރު މިވަގުތު އެކްޓިވް ކޭސްގެ ގޮތުގައި 845 ކޭސްއެއް ވަނީ ރެކޯޑް ކުރެވިފައެވެ.
އައިސޮލޭޝަން ފެސިލިޓީސްތަކުގައި 212 މީހުން ތިބިއިރު 54 މީހަކަށް ދަނީ ހޮސްޕިޓަލުގައި ފަރުވާ ދެމުންނެވެ.
ރާއްޖެ އިން ވައިރަސްގެ ސަބަބުން މަރުވެފައިވާ މީހުންގެ ޖުމްލަ އަދަދަކީ 39 އެކެވެ.
