މި ސަރުކާރުން ކަރަންޓުގެ އަގަށް ބަދަލުނުގެންނަ ކަމަށް ދެކެވޭ ވާހަކަތަކަށް މުޢުނީ ރައްދުދެއްވައިފި
އަގަށް ބަދަލުގެނައީ މިދިޔަ އަހަރުގެ މާޗު މަހުގެ ތެރޭގަ
ސްޓެލްކޯގެ މެނޭޖިންގ ޑިރެކްޓަރ ހަސަން މުޣުނީ ރައްދުދެއްވައިިފި
މި ސަރުކާރުން ކަރަންޓުގެ އަގަށް ބަދަލު ނުގެންނަ ކަމަށް ދެކެވޭ ވާހަކަތަކަށް ސްޓެލްކޯގެ މެނޭޖިންގ ޑިރެކްޓަރ ހަސަން މުޣުނީ ރައްދުދެއްވައިިފިއެވެ.
ރާއްޖެޓީވީގެ ފަލަސުރުހީ ޕްރޮގްރާމްގައި ވާހަކަދައްކަވަމުން މުޢުނީ ވަނީ ކަރަންޓުގެ އަގުތަކަށް އަންނަ ބަދަލުތަކާއި ގުޅޭގޮތުން ވާހަކަދައްކަވާފައެވެ. އެގޮތުން، ރައީސް އިބްރާހިމް މުހައްމަދު ސޯލިހުގެ ސަރުކާރުން ވެރިކަމާއި ހަވާލުވިފަހުން ކަރަންޓުގެ އަގަށް ބަދަލެއް ނުގެންނަ ކަމަށް ބައެއް މުއައްސަސާތަކުން ދައްކާފައިވާ ވާހަކަތަކަށް ރައްދުދެއްވައި އޭނާ ވަނީ ބަދަލު ގެނައި ތާރީހު ހިއްސާ ކުރައްވާފައެވެ. އޭނާ ވިދާޅުވީ މި ސަރުކާރުން ކަރަންޓުގެ އަގަށް ބަދަލުގެނައީ މިދިޔަ އަހަރުގެ މާޗު މަހުގެ ތެރޭގައި ކަމަށާއި، އެފަދަ ވާހަކައެއް ދެއްކުމުގެ ކުރިން އެ ކަން ބަލާލުން މުހިއްމު ކަމަށެވެ.
އިތުރަށް ވާހަކަދައްކަވަމުން އޭނާ ވިދާޅުވީ ރިޔާސީ ކެމްޕެއިންގައި އެންމެ ގިނަ ބަޔަކު އެދުނު ކަމަކީ މާލެއާއި ރަށްތަކުގައި ނެގެމުންދާ އަގުތައް އެއް ގޮތް ކުރުން ކަމަށެވެ. މުޣުނީ ވިދާޅުވީ މި ސަރުކާރުން ވެރިކަމާއި ހަވާލުވެ، އަގުތައް އެއްހަމަ ކޮށްފައިވާ ކަމަށެވެ.
