ދެކުނު ޗައިނާ ކަނޑުގައި ހަރަކާތްތެރިވާ ޗައިނާގެ މިލީޝިޔާތަކާއި ދެކޮޅަށް ފިލިޕީންސްއިން އެ ގައުމުގެ ރައްޔިތުންގެ ލަޝްކަރެއް އެކުލަވާލުމުގެ މަސައްކަތް ކުރަމުންދާ ކަމަށް ރިޕޯޓްތައް ބުނެފިއެވެ.

ކަފްގު އެކްޓިވް އޮކްޒިލިއަރީ ސާވީސް (ސީއޭއޭއެސް) ގެ ނަމުން ނަންދީފައިވާ މި ލަޝްކަރާއި އެކު ސައުތު ޗައިނާ ކަނޑުގައި ފިލިޕީންސްއަށް މުހިއްމު ސަރަހައްދުތައް ރައްކާތެރި ކުރެވިގެންދާނެއެވެ. ނޫސްތަކުން ރިޕޯޓް ކޮށްފައިވާ ގޮތުން އެ ފޯސް އެކުލަވާލާނީ ފިލިޕީންސްގެ އަސްކަރިއްޔާގެ ތެރެއިންނެވެ. އަދި އެ މީހުންނަށް ތަމްރީނު ދޭނީ ކަނޑުގެ ސިފައިންނެވެ.

ދެކުނު ޗައިނާގެ ކަނޑުގެ ސަރަހައްދުގައި ''ގްރޭ ޒޯން'' އުކުޅުތައް ފެށިފައި ވަނީ ޗައިނާއިން އެ ސަރަހައްދުގައި ގެންގުޅޭ ރައްޔިތުންގެ ލަޝްކަރުން ފިލިޕީންސްގެ އަސްކަރިއްޔާގެ ދަށުގައި އޮންނަ ތިޓޫ އައިލެންޑް ކިޔާ ރަށަކަށް ކޮންސްޓްރަކްޝަން ސާމާނުތައް ގެންދަންވެގެން އުޅުމުން އެކަމަށް ހުރަސް އެޅި ހިސާބުންނެވެ.

އޭޝިޔާ ޓައިމްއިން ރިޕޯޓްކޮށްފައިވާ ގޮތުން، 2012 ވަނަ އަހަރު ޗައިނާއިން ފިލިޕީންސްގެ އިގްތިސާދީ ހާއްސަ ސަރަހައްދުގައި ވެރިވެގަތް ފަހުން ފިލިޕީންސްއިން ދަނީ އެ ގައުމުގެ ދިފާއިބާރު ވަރުގަދަކުރުމުގެ މަސައްކަތް ކުރަމުންނެވެ.