މިއަދު ނެގި 1130 ސާމްޕަލް އިން ޕޮޒިޓިވްވީ 26 މީހުން
4 ނޮވެމްބަރު 2020 | ބުދަ 17:25ޕޮޒިޓިވްވި މީހުންގެ ޖުމްލަ އަދަދަކީ 82211
ކޮވިޑް-19 އަށް ސާމްޕަލްނަގަނީ
ރާއްޖެއިން ކޮވިޑް-19 އަށް އިތުރު 26 މީހަކު ޕޮޒިޓިވްވެއްޖެ އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާގޮތުން ބުދަ ދުވަހު ޕޮޒިޓިވްވި މީހުންގެ ތެރޭގައި ހިމެނެނީ 21 ދިވެހިންނާއި ފަސް ބިދޭސީންނެވެ.
އެޗްޕީއޭއިން ބުނީ ޕޮޒިޓިވްވި 21 މީހުންނަކީ ގްރޭޓަރ މާލެ ސަރަހައްދުން ޕޮޒިޓިވްވި މީހުން ކަމަށެ އެވެ. އަދި ފަސް މީހުން ޕޮޒިޓިވް ވެފައިވަނީ ރިސޯޓްތައް ހިމެނޭގޮތަށް އަތޮޅުތެރެއިންނެވެ.
އެއާއި އެކު ކޮވިޑް-19 އަށް ޕޮޒިޓިވްވި މީހުންގެ ޖުމްލަ އަދަދަކީ 11,822 އެވެ.
އެޗްޕީއޭއިން ހާމަކޮށްފައިވާ ގޮތުން ބުދަ ދުވަހު ވަނީ 1130 ސާމްޕަލް ޓެސްޓް ކޮށްފައެވެ.
މިވަގުތު އެކްޓިވް ކޭސްގެ ގޮތުގައި 786 ކޭސް އެއް ރިޕޯޓްކޮށްފައިވާއިރު، ބަލިން ފަސޭހަވި މީހުންގެ ޖުމްލަ އަދަދަކީ 10990އެވެ.
އައިސޮލޭޝަން ފެސިލިޓީސްތަކުގައި 185 މީހަކު ތިިބިއިރު 52 މީހަކަށްދަނީ ހޮސްޕިޓަލުގައި ފަރުވާދެމުންނެވެ.
