ކ. މާލެ
|
28 އޮކްޓޯބަރ 2020 | ބުދަ 12:08
ހެންވޭރު ހުޅަނގު ދާއިރާގެ މެމްބަރު ހަސަން ލަތީފް
ހެންވޭރު ހުޅަނގު ދާއިރާގެ މެމްބަރު ހަސަން ލަތީފް
ރައްޔިތުންގެ މަޖިލިސް
ޒުވާނުންގެ މަރުކަޒެއް
ޒުވާނުންނަށް މިއުޒިކް ކުޅެލަން އެއްވެ އުޅެވޭނެ މަރުކަޒެއް ގާއިމުކޮށް ދިނުމަށް ގޮވާލާ ގަރާރެއް
 
މިއުޒިކް ރެކޯޑިންގް ސްޓޫޑިއޯއާއި ބޭންޑް ޕްރެކްޓިސް ރޫމް ފަދަ ވަސީލަތްތައް އެމަރުކަޒުގައި ހުންނަން ޖެހޭ ކަމަށް ފާހަގަކޮށްފައިވޭ
 
ޒުވާނުންގެ މިއުޒިކުގެ ފަންނު އިތުރަށް ތަރައްގީ ކުރުމުގެ ވަސީލަތަކަށް ހެދުމަށް ގޮވާލެއްވި

ޒުވާނުންނަށް އުފާވެރި މާހައުލެއްގައި ސަމާސާކޮށްލައި އެއްވެ ތިބެވޭނެ މަރުކަޒެއް ގާއިމުކޮށް ދިނުމަށް ސަރުކާރަށް ގޮވާލާ ހުށައަޅާފައިވާ ގަރާރުގެ ފުރަތަމަ ކިއުން އިއްވައިފިއެވެ.

ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ހުށައެޅުއްވި މި ގަރާރުގެ ފުރަތަމަ ކިއުން އިއްވާފައި ވަނީ ބުދަ ދުވަހުގެ ޖަލްސާގައެވެ.

މި ގަރާރުގައި ވަނީ މާލެއަށް ދިމާވެފައިވާ މައްސަލަތަކުން އަރައިގަތުމަށް ސަރުކާރުން މަސައްކަތް ކުރަމުންދާ އިރު ވެސް، ޒުވާނުންނަށް ފަސޭހަކަމާއި އެކު މިއުޒިކް އަޑުއަހާލާ، އެކުވެރިންނާ ބައްދަލުކޮށް، ހާސްކަމުން ބޭރުގައި އުފާވެރި މާހައުލެއްގައި ހީ ސަމާސާކޮށް މަޖާކޮށްލައި އެއްވެ ތިބެވޭނެ ފަދަ މަރުކަޒެއް މާލޭގައި ގާއިމުކޮށް ދިނުމަށް ސަރުކާރަށް ހުށައަޅާ ކަމަށެވެ. އަދި އެ މަރުކަޒަކީ ޒުވާނުންގެ މިއުޒިކުގެ ފަންނު އިތުރަށް ތަރައްގީ ކުރުމުގެ ވަސީލަތަކަށް ހެދުމަށް ސަރުކާރަށް ކުރެވެން ހުރި ކަންކަން ކޮށްދިނުމަށް ވެސް ގޮވާލާފައި ވެއެވެ.

މިގޮތަށް ހުށައަޅުއްވަމުން ހަސަން ލަތީފް ވަނީ މާލޭގައި ބޯހިޔާވަހިކަމުގެ ދަތިކަމާ މަގުތަކުގެ ކާރޫބާރު ބޮޑު ކަމާ ވަޒީފާގެ ފުރުސަތުތަކުގެ މަދު ކަމުގެ މައްސަލަތައް އިންތިހާއަށް އޮތް އިރު ހާސްކަމުން އެކަހެރިވެލެވޭނެ ގޮތްތަކެއް ޒުވާނުންނަށް ހޯދައި ދޭންޖެހޭ ކަމަށް ވިދާޅުވެފައެވެ.

ގަރާރުގައި ވަނީ ދިވެހި ޒުވާނުންގެ ތެރޭގައި އާދަޔާ ޚިލާފު ކުޅަދާނަ ފަންނާނުން ތިބިއިރު އަދި މިއުޒިކްގެ ހުނަރު ދަސްކުރަން ބޭނުން އެތައް ޒުވާނުން ވެސް އެބަތިބި ކަމަށެވެ. އެހެންކަމުން މިއުޒިކް ރެކޯޑިންގް ސްޓޫޑިއޯއާއި ބޭންޑް ޕްރެކްޓިސް ރޫމް ފަދަ ވަސީލަތްތައް އެމަރުކަޒުގައި ހުންނަން ޖެހޭ ކަމަށެވެ.

ގަރާރުގައި ބުނެފައި ވަނީ ރާއްޖޭގެ ގައުމިއްޔަތުގެ އެންމެ މުހިއްމު އުންސުރަކީ ދިވެހި ލަވަޔާއި މިއުޒިކަށްވާ އިރު މިއަދު މިކަންކަން ވަނީ ނެތިދިއުމުގެ މަގުމަތީގައި ކަމަށެވެ. ދިވެހި ލަވަޔާއި މިއުޒިކްގެ ޝައުގުވެރިކަން ޒުވާނުންގެ ކިބައިގައި އަށަގެންނެވުމަކީ ކޮންމެހެން ކުރަންޖެހިފައިވާ ކަމެއް ކަމަށާއި ދިވެހި ސަގާފަތް އަންނަން އޮތް ޖީލަށް ވާސިލުކޮށްދިނުމަކީ މިއަދުގެ ޒުވާނުންގެ ވާޖިބެއް ކަމަށެވެ. އަދި މިކަން ބިނާވެފައިވަނީ ދައުލަތުން ޒުވާނުންނާއި މެދު އަމަލުކުރާ ގޮތެއްގެ މައްޗަށް ކަމަށް ވެސް ގަރާރުގައިވެއެވެ.

އެހެންކަމުން ޒުވާނުންގެ އެ މުހިއްމު ބޭނުންތަކަކީ ސަރުކާރުން އިޖާބަދޭންވާނެ ކަންކަމަށްވާއިރު މިފަދަ މަރުކަޒެއް ގާއިމުކުރުމުގެ މުހިއްމުކަން ގަރާރުގައި ވަނީ ފާހަގަކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
0%
0%
100%
0%
0%
ކޮމެންޓް
29 އޮކްޓޯބަރ 2020 | ބުރާސްފަތި 06:06
ސާމިޔާ
ކޮންމެ ހަފްތާއަކު ޒުވާނުންނަށް ދީނީ ދަރުސްދޭ ތަނެތް އަޅާ ބަލަ ލަވަޔާ މިއުޒިކް ތެރެޔައްނުވައްދާ އޭރުން ޒުވާނުން މި ހިންގަަޖަރީމާތަށް ބޮޑުތަނުންމަދުވާނެ .
28 އޮކްޓޯބަރ 2020 | ބުދަ 15:49
އަހުމަދު
މުވައްޒަފުންނަށް ހަމަ މުސާރަ ދިނުމަށް ގޮވާލާ ގަރާރެއް ނިކަން ހުށަހަޅާލަބަލަ...
ގުޅުންހުރި
މިމައްސަރަކީ މުޅި އުމުރުގައި ކޮށްފައިވާ ފާފައިން ތާހިރުވުމަށް ލިބޭ ފުރުސަތެއް، ރޭއަޅުކަންކުރުން އިތުރުކުރޭ: ޚުތުބާ
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ