މިއަދު ޕޮޒިޓިވްވީ 27 މީހުން، ރިކަވަރވީ 39 މީހުން

ރާއްޖެއިން ރިޕޯޓް ކުރެވުނު ކޭސްތަކުގެ އަދަދު އަނެއްކާ ވެސް ދަށަށް ގޮސް އިތުރު 27 މީހަކު ކޮވިޑް-19 އަށް ޕޮޒިޓިވްވި ވެއްޖެއެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާ ގޮތުން ހޯމަ ދުވަހު ޕޮޒިޓިވްވި މީހުންގެ ތެރޭގައި ހިމެނެނީ 17 ދިވެހިންނާއި ދިހަ ބިދޭސީންނެވެ.

ޕޮޒިޓިވްވި މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވި 20 މީހަކާއި ރިސޯޓްތައް ހިމެނޭގޮތަށް އަތޮޅުތެރެއިން ޕޮޒިޓިވްވި ހަތް މީހެކެވެ. އެއާއި އެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 11532 އަށް އަރާފައެވެ.

އެޗްޕީއޭއިން ހާމަކޮށްފައިވާ ގޮތުން ފާއިތުވި 24 ގަޑިއިރު ތެރޭގައި 1301 ސާމްޕަލްއެއް ވަނީ ނަގާފައެވެ. އަދި މި ވަގުތު އެކްޓިވް ކޭސްގެ ގޮތުގައި 925 ކޭސް އެއް ރެކޯޑް ކުރެވިފައިވާ އިރު، މިހާތަނަށް ބަލިން ފަސޭހަވި މީހުންގެ އަދަދު ވަނީ 10563 އަށް އަރާފައެވެ.

އައިސޮލޭޝަން ފެސިލިޓީތަކުގައި 307 މީހެއް ތިބިއިރު 37 މީހަކަށް ދަނީ ހޮސްޕިޓަލުގައި ފަރުވާދެމުންނެވެ. ވައިރަސްގެ ޖެހިގެން ރާއްޖެއިން މަރުވި މީހުންގެ އަދަދަކީ 37 އެވެ.