ކޮވިޑްގެ ނުރައްކާ ބޮޑުވެ ފްރާންސްގައި ވެސް ކާފިއު އިއުލާން ކޮށްފި

ކޮވިޑް-19 ގެ ނުރައްކާ ބޮޑުވެ ފްރާންސްގެ ދެ ބައި ކުޅަ އެއްބަޔަށް ކާފިއު އިއުލާން ކޮށްފިއެވެ.

ފްރާންސް ސަރުކާރުން ބުނީ ކާފިއު އިއުލާން ކޮށްފައިވަނީ ކޮވިޑްގެ ކޭސްތައް އިތުރުވަމުން އަންނާތީއާއިއެކުގައި ކަމަށެވެ. އަދި ކުރިޔަށް އޮތް ހަ ހަފްތާއަށް ކާފިއު ހިންގުމަށް އެގައުމުގެ ސަރުކާރުން ވަނީ ނިންމާފައެވެ.

މީގެ ހަފްތާއެއް ކުރިން ފްރާންސްގެ ވެރިރަށް ޕެރިހުގައި ވަނީ ކާފިއު އިއުލާން ކޮށްފައެވެ. ފްރާންސްގެ ސަރުކާރުން ބުނީ ކުރިޔަށް އޮތް ހަ ހަފްތާގައި ރޭގަނޑު 09:00 އިން ފެށިގެން ހެނދުނު 06:00 އަށް ޒަރޫރީ ބޭނުންތައް ފިޔަވައި މަގުމައްޗަށް އާންމުން ނުކުތުން މަނާވާނެ ކަމަށެވެ. އަދި އެވަގުތުތަކުގައި މަގު މައްޗަށް ނުކުންނަ އާންމުންނަށް ފިޔަވަޅު އަޅާނެ ކަމަށްވެސް އެގައުމުގެ ސަރުކާރުން ވަނީ ބުނެފައެވެ.

ފްރާންސްގެ އިތުރުން ޔޫރަޕްގެ ގިނަ ގައުމުތަކުން ކޮވިޑްގެ ކޭސްތައް އަންނަނީ އިތުރުވަމުންނެވެ. އެގޮތުން ސްޕެއިންނާއި ޖަރުމަނުވިލާތުގެ އިތުރުން އިނގިރޭސިވިލާތުން ވެސް އަންނަނީ ކޭސްތައް އިތުރުވަމުން އަންނަކަމަށް ރިޕޯޓް ކޮށްފައިވެއެވެ. އެގައުމުތަކުން ވެސް ވަނީ ކޮވިޑް ކޮންޓްރޯލް ކުރުމަށް އަޅާފައިވާ ފިޔަވަޅުތައް ވަރުގަދަ ކުރަމުންނެވެ.

މީގެ ކުރިން ފްރާންސްގެ ސިއްހަތާއި ބެހޭ ވުޒާރާއިން ވަނީ އެގައުމަށް ކޮވިޑްގެ ދެވަނަ ރާޅެއް ބިންދާލައިފައިވާ ކަމަށް ބުނެފައެވެ. އަދި ކޮވިޑްގެ ނުރައްކާ ބޮޑުވާނަމަ ކުރިޔަށް އޮތް ތަނުގައި އިތުރު ލޮކްޑައުންއަކަށް ދާން ޖެހިދާނެ ކަމުގެ އިންޒާރު ވެސް ވަނީ ދީފައެވެ.

ފްރާންސް އަކީ މުޅި ދުނިޔެއިން 7 ވަނަ އަށް އެންމެ ގިނަ މީހުން ޕޮޒިޓިވްވެފައިވާ ގައުމެވެ. އެގައުމުން ޕޮޒިޓިވްވި މީހުންގެ އަދަދު މިލިއަނަކާއި ގާތް ވެފައިވާއިރު މި ބަލީގައި އެގައުމުން މިހާތަނަށް 34،210 މީހުން ވަނީ މަރުވެފައެވ