ޓްރީ ޓޮޕް ހޮސްޕިޓަލުން ޕީ.ސީ.އާރު ޓެސްޓުގެ އަގު އަނެއްކާވެސް ހެޔޮކޮށް، ނަތީޖާ ލިބުން އަވަސްކޮށްފި
21 އޮކްޓޯބަރު 2020 | ބުދަ 04:57އަގު ހެޔޮކޮށްފައިވަނީ އޮކްޓޯބަރު 20 ވަނަ ދުވަހުން ފެށިގެން
ޓްރީޓޮޕް ހޮސްޕިޓަލް، ޕީ.ސީ.އާރް ޓެސްޓު ހެދުމަށްފަހު، 12 ގަޑިއިރުތެރޭ ރިޕޯޓު ލިބުން ވަނީ އަވަސްކޮށްފައި
ޓްރީ ޓޮޕް ހޮސްޕިޓަލުން ކޮވިޑް-19 ޕީ.ސީ.އާރް ޓެސްޓުކުރެވޭ އަދަދު އިތުރުކޮށް, މި ޙިދުމަތުގެ އަގުތައް ހެޔޮކޮށްފި އެވެ.
އެހޮސްޕިޓަލުން މައުލޫމާތުދިން ގޮތުގައި އަންގާރަ ދުވަހުން ފެށިގެން ޕީ.ސީ.އާރް ޓެސްޓު ހެދުމަށްފަހު، 12 ގަޑީއިރުތެރޭ ރިޕޯޓު ލިބުން ވަނީ އަވަސްކޮށްފަ އެވެ.
ޓްރީ ޓޮޕް ހޮސްޕިޓަލުން މިޙިދުމަތުގެ ޓެސްޓުކުރެވޭ އަދަދު އިތުރުކުރުމާއެކު، އަގުތައް ހެޔޮކޮށް، ރިޕޯޓު ލިބުން 12 ގަޑިއިރަށް އަވަސްކުރެވިފައިވަނީ ރާއްޖޭގައި ގިނަ އަދަދަކަށް ޕީސީއާރު ޓެސްޓު ހެދުމަށް ބޭނުންޖެހިފައިވާ ދަނޑިވަޅަކަށްވުމާއި ގުޅިގެން ކަމަށް އެހޮސްޕިޓަލުން ބުންޏެވެ.
ޓްރީ ޓޮޕް ހޮސްޕިޓަލުން ޕިސީއާރް ޓެސްޓުގެ އަގުތައް މިހާރު ވަނީ ދިވެހި ރައްޔިތުންނާއި ވޯކް ޕަރމިޓް ބިދޭސީންނަށް 1,149ރ. އަދި ފަތުރުވެރިންނަށް 1,199ރ. އަށެއެވެ.
އަދި ޕީ.ސީ.އާރު ނަތީޖާ އާޖަންޓުކޮށް ބޭނުންވާ ފަރާތްތަކަށް ނަތީޖާ އަވަސްކުރުމުގެ ޕްރިމިއަމް ހިދުމަތް ލިބޭނެ ކަމަށްވެސް ވަނީ ބުނެފައެވެ.
ޓްރީ ޓޮޕް ހޮސްޕިޓަލުން ޕީ.ސީ.އާރު ޓެސްޓު ހެއްދުމުގެ ޙިދުމަތް އައުޓް-ޕޭޝަންޓް (އޯ.ޕީ.ޑީ) އަދި އިން-ޕޭޝަންޓް (އައި.ޕީ.ޑީ) އަށް ހުޅުވާލެވިފައިވެއެވެ.
