ތުޅާދޫ ހައުސިންގ ޔުނިޓްތައް ދޫކުރާ އުސޫލުގެ ޑްރާފްޓަށް ހިޔާލު ހުށައަޅަން ހުޅުވާލައިފި
މިއުސޫލަށް ރައްޔިތުންގެ ޚިޔާލު ބޭނުންވޭ
ބ.ތުޅާދޫގައި އިމާރާތް ކޮށްފައިވާ ހައުސިން ޔުނިޓްތައް
ބ.ތުޅާދޫގައި މިހާރު އިމާރާތް ކުރަމުންދާ 100 ހައުސިންގ ޔުނިޓް ދޫކުރުމަށް ހަމަޖެހިފައިވާ ގޮތުގެ ޑްރާފްޓް އުސޫލަށް ހިޔާލު ހުށަހެޅުމުގެ ފުރުސަތު ހުޅުވާލައިފިއެވެ.
ތުޅާދޫ ކައުންސިލުން ބުނީ މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ އިން ޑްރާފްޓްކޮށްފައިވާ "ސަރުކާރުގެ ބޯހިޔާވަހިކަމުގެ ސިޔަސަތުގެ ދަށުން އިމާރާތް ކުރާ 100 ހައުސިންގ ޔުނިޓް ދޫކުރުމަށް ހަމަޖެހިފައިވާ އުޞޫލާއި ޝަރުތުގެ ޑްރާފްޓް އާއްމު ކޮށްފައިވާ ކަމަށެވެ. ކައުންސިލުން ބުނީ މި އުސޫލަށް ރައްޔިތުންގެ ޚިޔާލު ބޭނުންވާ ކަމަށާއި، ހިޔާލު ހުށައަޅަން ބޭނުންވާ ފަރާތްތަކަށް އެ ފުރުސަތު އެބައޮތް ކަމަށެވެ.
އެހެންކަމުން ހިޔާލު ހުށައަޅަން ބޭނުންވާ ފަރާތްތަކުން ލިޔުމަކުން ނުވަތަ ކައުންސިލުން ދޫކުރާ ހިޔާލު ހުށަހަޅާ ފޯމުން 2020 އޮކްޓޯބަރ 26 ވަނަ ދުވަހުގެ 14:00 ގެ ކުރިން ހިޔާލު ހުށައެޅުމަށް ކައުންސިލުން ވަނީ އެދިފައެވެ. އަދި thulhadhoo@gmail.com އަށް މެއިލް މެދުވެރިކޮށް ފޮނުވާ ހިޔާލު ވެސް ބަލައިގަންނާނެ ކަމަށް ކައުންސިލުން ބުނެއެވެ. މީގެ އިތުރުން އޮންލައިންކޮށް ޙިޔާލު ހުށަހެޅުއްވުމުގެ ފުރުސަތު ވެސް ވަނީ ހުޅުވާލާފައެވެ.
