ބުދަ ދުވަހުގެ ޖަލްސާގައި ހޯމް މިނިސްޓަރ އިމްރާން އަބްދުﷲ އާއި ސުވާލުކުރުމަށް އެޖެންޑާކޮށްފި އެވެ.
ހޯމް މިނިސްޓަރާއި ސުވާލުކުރައްވަނީ މަކުނުދޫ ދާއިރާގެ މެމްބަރ މުހައްމަދު ރާއީއެވެ. ރާއީ މިނިސްޓަރާއި ސުވާލުކުރައްވަނީ 2020 ވަނަ އަހަރުގެ ބަޖެޓުގައި ނޭކުރެންދޫ ޖަލުގެ ފުރަތަމަ ފޭސްކުރިއަށް ގެންދިއުމަށް 174،000 މިލިއަން ރުފިޔާ ޖަހާފައިވާއިރު ޖަލުގެ އަމަލީ މަސައްކަތް ފެށޭނީ މިއަހަރުގެ ކޮން ތާރީޚެއްގައިތޯ އެވެ. އަދި ބަޖެޓު ކުރެވުނު ޢަދަދުގައިވާ ގޮތަށް ގެންގޮސް ޖަލުގެ ފުރަތަމަ ފޭސް ނިންމާލެވޭނެ ތާރީޚަކީ ކޮބައިތޯއެވެ.
ބުދަ ދުވަހުގެ ޖަލްސާއަށް ވަނީ ދެ ބިލެއްގެ ބަހުސު ކުރިޔަށް ގެންދިޔުމަށްވެސް އެޖެންޑާކޮށްފައެވެ. އެއީ ޓެކްސް ނެގުމާއި ބެހޭ އިދާރީ ޤާނޫނަށް އިސްލާހު ގެނައުމުގެ ބިލާއި ޕޭމަންޓް ސިސްޓަމާއި ޕޭމަންޓް ޚިދުމަތްތަކުގެ ބިލްގެ ބަހުސެވެ.
މީގެއިތުރުން ކޮމިޓީތަކުން ހުށަހަޅާ ކަންކަމުގެ ތެރެއިން ތައުލީމުގެ ބިލް ޤައުމީ ތަރައްޤީ އާއި ތަރިކައިގެ ކޮމިޓީން ދިރާސާކޮށް ނިންމިގޮތުގެ ރިޕޯޓް ހުށަހެޅުމަށްވެސް ވަނީ އެޖެންޑާކޮށްފައެވެ.
