ކޮވިޑް-19: އިޒްރޭލުން މި މަހުގެ ފަހުކޮޅު ވެކްސިންގެ ހިއުމަން ޓްރަޔަލް ފަށަނީ
20 އޮކްޓޯބަރު 2020 | އަންގާރަ 04:33އިޒްރޭލުން ވެކްސިން އެއް އުފެއްދުމުގެ މަސައްކަތް ފަށާފައިވަނީ ފެބްރުއަރީ މަހުގެ ދެ ވަނަ ދުވަހު
ދުނިޔޭގެ ބޮޑެތި ގައުމުތަކުން ދަނީ ވެކްސިން އުފެއްދުމުގެ މަސައްކަތް ކުރަމުން
އިޒްރޭލުން މި އޮކްޓޯބަރު މަހުގެ ފަހުކޮޅު ކޮވިޑް-19 ވެކްސިންގެ ހިއުމަން ޓްރަޔަލް ފަށާނެ ކަމަށް އެގައުމުގެ އޮފިޝަލުން ބުނެފިއެވެ.
ބޭރުގެ މީޑިއާތަކުގައި ރިޕޯޓުކޮށްފައިވާ ގޮތުން އިޒްރޭޒުލް ކޮވިޑަށް އުފައްދަމުންދާ ވެކްސިން 'ބްރީލައިފް' ގެ ހިއުމަން ޓްރަޔަލްސް ފެށުމަށް ހަމަޖެހިފައިވަނީ މި މަހުގެ ފަހުކޮޅެއެވެ. މި ވެކްސިން އުފެއްދުމުގެ މަސައްކަތް އެގައުމުގައި ކުރަމުންދަނީ ސިވީލިއަން އޯރގަނައިޒޭޝަން އެއް ކަމަށްވާ އެގައުމުގެ އިންސްޓިޓިއުޓް އޮފް ބަޔޮލޮޖިކަލް ރީސަރޗް (އައިއައިބީއާރު) ންނެވެ.
އިޒްރޭލުން މި މަހުގެ ފަހުކޮޅު ތިން ވަނަ ޓްރަޔަލް ފެށުމަށް ނިންމާފައިވާކަން ހާމަކޮށްފައިވާއިރު އެގައުމުން ވަނީ ކޮވިޑަށް ވެކްސިންއެއް ތައްޔާރުކުރެވިފައިވާ ކަމަށް އޮގަސްޓް މަހު ބުނެފައެވެ.
ހިއުމަން ޓްރަޔަލްތައް ކުރިއަށްދާނީ ކިހާ ދުވަހަކަށް ކަމެއް އެގައުމުގެ ސަރުކާރުންނެއް ހާމަކޮށްފައެއް ނުވެއެވެ. އިޒްރޭލުން ވެކްސިން އެއް އުފެއްދުމުގެ މަސައްކަތް ފަށާފައިވަނީ ފެބްރުއަރީ މަހުގެ ދެ ވަނަ ދުވަހުއެވެ.
