އާދީއްތަ 29 ނޮވެންބަރު 2020
03 ދޮށަ
1442 ރަބީޢުލްއާޚިރު 13
ފަތިސް 04:39
އިރުއަރާ 05:55
މެންދުރު 11:58
އަސްރު 15:18
އިރުއޮއްސޭ 17:53
އިޝާ 19:09
ފްރެންޗް ލީގު

އެމްބާޕޭގެ ދެ ލަނޑާއެކު ޕީއެސްޖީއަށް ފަސޭހަ މޮޅެއް

  • ނީމް އަތުން ޕީއެސްޖީ މޮޅުވީ 4-0 ގެ ނަތީޖާއަކުން
  • މި މޮޅާއެކު ޕީއެސްޖީ ވަނީ ތާވަލުގެ އެއްވަނައަށް ކުރިއަށް ޖެހިލާފައި

ކ. މާލެ | 17 އޮކްޓޯބަރ 2020 | ހޮނިހިރު 11:36 | 2,903

ނީމް އާއި ޕީއެސްޖީ ބައްދަލުކުރި މެޗުގެ ތެރެއިން: މި މެޗުން ޕީއެސްޖީ މޮޅުވީ 4-0 ން - ގެޓީ އިމޭޖާސް

ފްރެންޗް ލީގުގައި ހުކުރު ދުވަހުގެރޭ ކުޅުނު މެޗުން ނީމް އަތުން ފަސޭހަކަމާއެކު އެންމެ ފަހުގެ ޗެމްޕިއަން ޕީއެސްޖީ މޮޅުވެއްޖެއެވެ.

ނީމްގެ ދަނޑުގައި ކުޅުނު މި މެޗުން ޕީއެސްޖީ މޮޅުވީ 4-0 ގެ ނަތީޖާއަކުންނެވެ.

މި މެޗު ފަށައިގެން 12 ވަނަ މިނެޓުގައި ނީމްގެ ލޮއިކް ލަންޑްރޭއަށް ރެފުރީ ސީދާ ރަތް ކާޑެއް ދެއްކުމާ ގުޅިގެން، އެ ޓީމުން މެޗުގެ ބޮޑުބައި ކުޅުނީ އެއް ކުޅުންތެރިއަކު މަދުކޮށެވެ. ލަންޑްރޭއަށް ރެފުރީ ސީދާ ރަތް ކާޑެއް ދެއްކީ ޕީއެސްޖީގެ ރަފީނިއާއަށް ކުރި ނުރައްކާތެރި ފައުލަކާ ގުޅިގެންނެވެ.

މުޅި މެޗުގައިވެސް ރަނގަޅު ކުޅުމެއް ދެއްކި ޕީއެސްޖީން ލީޑު ނަގާފައިވަނީ މެޗުގެ 32 ވަނަ މިނެޓުގައެވެ. ރަފީނިއާ ތަނަވަސްކޮށްދިން ފުރުސަތަކުން ޕީއެސްޖީއަށް ލީޑު ނަގައިދިނީ ޒުވާން ތަރި ކީލިއަން އެމްބާޕޭއެވެ. އަދި މެޗުގެ 77 ވަނަ މިނެޓުގައި ޕަބްލޯ ސަރާބިއާގެ އެހީއާއެކު އަލެސަންދްރޯ ފްލޮރެންޒީ ވަނީ ޕީއެސްޖީއަށް ލީޑު ފުޅާކޮށްދީފައެވެ.

މެޗުގެ 83 ވަނަ މިނެޓުގައި ސަރާބިއާގެ އެހީއާއެކު އެމްބާޕޭ ޕީއެސްޖީގެ ތިންވަނަ ލަނޑު ޖެހިއިރު، އެ ޓީމުގެ ހަތަރުވަނަ ލަނޑު މެޗު ނިމެން ދެ މިނެޓަށް ވެފައިވަނިކޮށް ކޮލިން ޑަގްބާ ތަނަވަސްކޮށްދިން ފުރުސަތަކުން ކާމިޔާބުކުރީ ސަރާބިއާއެވެ.

މި މޮޅާއެކު ޕީއެސްޖީ ވަނީ ހަތް މެޗުން 15 ޕޮއިންޓް ހޯދާ ތާވަލުގެ އެއްވަނައަށް ކުރިއަށް ޖެހިލާފައެވެ. ތާވަލުގެ ދެވަނައިގައި އޮތް ރެނެސްއަށްވެސް ހަތް މެޗުން ވަނީ 15 ޕޮއިންޓް ލިބިފައެވެ. އެކަމަކު ޕީއެސްޖީއަށް ކުރި ލިބެނީ ލަނޑުގެ ތަފާތުންނެވެ.

ލީގުގައި ދެން ޕީއެސްޖީން މެޗެއް ކުޅޭނީ މި މަހުގެ 25 ވަނަ ދުވަހުއެވެ. އެ ދުވަހު އަމިއްލަ ދަނޑުގައި ޕީއެސްޖީ ނުކުންނާނީ ޑިޖޮންއާ ދެކޮޅަށެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.