ތިންވަނަ އެމްބީއޭކަޕް: ސައިކްލޯން ބީސީ އަދި ކިންގްސް ބީސީ އަށް މޮޅެއް

ތިންވަނަ އެމްބީއޭ ކަޕްގައި ސައިކްލޯން ބާސްކެޓް ބޯލް ކްލަބް އަދި ކިންގްސް ބާސްކެޓްބޯލް ކްލަބް ކުޅުނު މެޗުތަކުން އެ ޓީމުތައް މޮޅުވެއްޖެ އެވެ.

ހުކުރު ދުވަހުގެ ރޭ ކުޅުނު އަންހެން ބައިގެ މެޗުން ރެޑް ވިންގްސް ބާސްކެޓް ކްލަބާ ވާދަކޮށް ސައިކްލޯން ބީސީން މެޗު ކާމިޔާބުކުރީ 58 ޕޮއިންޓް 32 ޕޮއިންޓުންނެވެ. މެޗުގެ މޮޅު ކުޅުންތެރިޔަކަށް ހޮވިފައިވަނީ ސައިކްލޯން ބީސީގެ ފާތިމަތު ރިޝްމާ އެވެ. އޭނާ ވަނީ އެޓީމަށް 16 ޕޮއިންޓް ހަމަކޮށްދީފައެވެ.

ހުކުރު ދުވަހުގެ ރޭ ކުޅުނު ފިރިހެން ބައިގެ މެޗުން ކުޑަހެންވޭރު ޔުނައިޓެޑާ ވާދަކޮށް ކިންގްސް ބީސީން މެޗު ކާމިޔާބުކުރީ 89 ޕޮއިންޓް 57 ޕޮއިންޓްގެ ތަފާތު ބޮޑު ނަތީޖާއަކުންނެވެ. މެޗުގެ މޮޅު ކުޅުންތެރިޔަކަށް ހޮވުނީ ކިންގްސް ބީސީ އަށް 23 ޕޮއިންޓް ހޯދައިދިން މުހައްމަދު ޒިލާލް އެވެ.

މިމުބާރާތުގެ ދެ ވަނަ ޑިވިޝަންގައި 6 ޓީމް ވާދަކުރެއެވެ. އަދި ފުރަތަމަ ޑިވިޝަންގެ ފިރިހެންބައިގައި 4 ޓީމް ވާދަކުރުމަށް ހަމަޖެހިފައިވާއިރު އަންހެން ބައިގައި ވާދަކުރާނީ 3 ޓީމެވެ.