ހުކުރު ދުވަހު 400،000 ށް ވުރެ ގިނަ މީހުންނަށް ކޮވިޑު ޖެހިގެން ރިޕޯޓުކުރި ކަމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ބުނެފިއެވެ.

ޑަބްލިއުއެޗްއޯގެ ތަފާސްހިސާބުތަކުން ދައްކާ ގޮތުގައި ދުނިޔޭގެ އެކި ގައުމުތަކުން ހުކުރު ދުވަހު 413،467 ކޭސް ރިޕޯޓު ކޮށްފައިވެއެވެ.

އަދި ހުކުރު ދުވަހު 18،433 މަރު ރިޕޯޓު ކޮށްފައިވާއިރު، މިހާތަނަށް ދުނިޔޭގެ 196 ގައުމަކުން މި ބަލި ވަނީ ފެނިފައެވެ.

ހުކުރު ދުވަހު މި ބަލި އެންމެ ފުރަތަމަ ފެނުނު ޗައިނާގެ ބޭރުން 331,619 ކޭސް ރިޕޯޓު ކުރެވުނުއިރު މީގެތެރެއިން 240,000 ރިޕޯޓު ކުރެވިފައިވަނީ ކޮވިޑުގެ ސަބަބުން އެންމެ އަސަރުކޮށްފައިވާ 6 ގައުމަކުންނެވެ. އެ ގައުމުތަކަކީ އިޓަލީ އެމެރިކާ، ސްޕެއިން ޖަރމަނީ، އިރާން އަދި ފްރާންސެވެ.