ނޮޅިވަރަމް ހޯމް ކަރަންޓީނުގައި ހުރި ކުޑަކުއްޖެއް ކޮވިޑަށް ޕޮޒިޓިވްވެއްޖެ
މިއީ ނޮޅިވަރަމް އިން ފެނުނު ދެވަނަ ކޭސް
ހދ. ނޮޅިވަރަމް
ހދ. ނޮޅިވަރަމް ހޯމް ކަރަންޓީނުގައި ހުރި ކުޑަކުއްޖަކު ކޮވިޑް-19 އަަށް ޕޮޒިޓިވް ވެއްޖެއެވެ.
އެ ރަށުން ކުޑަކުއްޖަކު ކޮވިޑަށް ޕޮޒިޓިވް ވިކަން ހާމަކޮށް, އެ ރަށު ސިއްހީ މަރުކަޒުން މިއަދު ބުނެފައި ވަނީ އެ ރަށުގައި މި ވަގުތު ހޯމް ކަރަންޓީންގައި ހުރި ކުޑަކުއްޖަކު ކޮވިޑް-19 އަށް ޕޮޒިޓިވް ވެފައިވާކަމަށެވެ.
ރާއްޖެއެމްވީއަށް މައުލޫމާތު ދެމުން ނޮޅިވަރަމް ރައްޔިތެއް ހާމަ ކުރި ގޮތުގައި އިއްޔެ ވަނީ ކުޑަ ދެ ކުއްޖެއްގެ ޓެސްޓު ހަދާފައެވެ. އަދި މީގެ ތެރެއިން އެއް އަހަރުގެ ކުޑަ އަންހެން ކުއްޖަކު ކޮވިޑަށް ޕޮޒިޓިވް ވެފައިވާކަމަށެވެ. މި ދެ ކުދިންނަކީ ވެސް މާލެއިން ނޮޅިވަރަމްއަށް ދަތުރުކޮށް ހޯމް ކަރަންޓީނުގައި ތިބި ދެ ކުދިން ކަމަށް ވަނީ ބުނެފައެވެ.
މިއީ ނޮޅިވަރަމުން ކޮވިޑް-19 ގެ ކޭސް އެއް ފެނުނު ދެވަނަ ފަހަރެވެ. މީގެ ކުރިން ވެސް ވަނީ ނޮޅިވަރަމުން ކޮވިޑް ކޭސްއެއް ފެނިފައެވެ.
