ވިލާ ގޭސްގެ ކޮމްޕޮސިޓް ފުޅީގެ ހާއްސަ ޕްރޮމޯޝަނެއް ފަށައިފިއެވެ.

އެ ކުންފުނިން ބުނީ މި ޕްރޮމޯޝަންގައި އެ ކުންފުންޏަށް އަލަށް ރަޖިސްޓްރީވާ ގޭބީސީތަކަށް ފުޅީގެ އަގު ނުލައި 200 ރުފިޔާ ދައްކައިގެން ގޭހާއެކު ފުޅި ލިބޭނެ ކަމަށެވެ.

އަދި، މި ކުރިއަށް ގެންދާ ޕްރޮމޯޝަންގައި އަލަށް ރަޖިސްޓްރީވާ ފަރާތްތަކަށް ވަރަށް ހާއްސަ ލަކީޑްރޯއެއްގައި ބައިވެރިވުމުގެ ފުރުސަތު ހުޅުވިފައިވާކަން ވެސް ވިލާ ގޭހުން ވަނީ އުފަލާއެކު ފާހަގަކޮށްފައެވެ.

މި ލަކީޑްރޯގައި ގުރުއަތުން ހޮވޭ ފުރަތަމަ ނަސީބުވެރިޔާއަށް ޕެރެޑައިސް އައިލެންޑް ރިސޯޓުގައި 4 ބޭފުޅުންނަށް 2 ރޭ ހުރުމާއި ކެއުމާއި ޓްރާންސްފަރ ލިބޭނެއެވެ. އަދި ދެވަނަ ނަސީބުވެރިޔާ އަށް 2 ބޭފުޅުންނަށް 2 ރޭ ހުރުމާއެކު ކެއުމާއި ޓްރާންސްފަރ ވެސް ހަމަޖެހިގެންދާނެއެވެ.

މާލެ އަދި ހުޅުމާލޭގައި ދިރިއުޅޭ މީހުންނަށް ހާއްސަކޮށްގެން ކުރިއަށް ގެންދާ މި ޕްރޮމޯޝަންގައި ބައިވެރިވުމަށްwww.villagas.mv/promoމި ވެބްސައިޓް މެދުވެރިކޮށް ރަޖިސްޓަރ ކޮށްގެން ނުވަތަ ހޮޓްލައިން ނަންބަރ 7725566 އަށް ގުޅައިގެން ވެސް ބައިވެރިވެވޭނެއެވެ.

ހޮޓްލައިނަށް ގުޅޭނެ ގަޑިތަކަކީ ހޮނިހިރު ދުވަހުން ބުރާސްފަތި ދުވަހަށް ހެނދުނު 9:00ން އިރުއޮއްސި 06:00ށް އަދި ކޮންމެ ހުކުރު ދުވަހަކު ހަވީރު 03:00ން އިރުއޮއްސި 06:00 އަށެއެވެ.

ޕްރޮމޯޝަން ކުރިއަށް ގެންދާނީ ލިމިޑެޓް އަދަދެއްގެ ފުޅިތައް ލިބޭ ގޮތަށް ކަމަށާއި އެހެންކަމުން އަވަހަށް ރަޖިސްޓަރ ކުރާ މީހުންނަށް ޕްރޮމޯޝަންގައި ބައިވެރިވުމުގެ ފުރުސަތު އޮންނާނެ ކަމަށް ވިލާ އިން ބުންޏެވެ.

މި ޕްރޮމޯޝަން ކުރިއަށްދާނީ އޮކްޓޯބަރު މަހުގެ 15 ވަނަ ދުވަހުން ފެށިގެން އެއް މަސް ދުވަހުގެ މުއްދަތަކަށެވެ.