އިތުރު 69 މީހަކު ޕޮޒިޓިވްވެ، ޖުމްލަ އަދަދު 11،000 އަށްވުރެ މައްޗަށް!
ސައުވީސް ގަޑިއުރުގެ ތެރޭގައި ގިނައިން ޕޮޒިޓިވްވެފައިވަނީ ބިދޭސީން
ކޮވިޑް-19 އަށް ސާމްޕަލް ނަގަނީ
ރާއްޖެއިން އިތުރު 69 މީހަކު ކޮވިޑް-19 އަށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އެޗްޕީއޭއިން ހާމަކޮށްފައިވާގޮތުން ޕޮޒިޓިވްވި މީހުންގެ ތެރޭގައި ހިމެނެނީ 29 ދިވެހިންނާއި 40 ބިދޭސީން ކަމަށެވެ. ފާއިތުވި 24 ގަޑިއިރު ތެރޭގައި ޕޮޒިޓިވްވި މީހުންގެ ތެރެއިން 63 މީހުންނަކީ މާލެ ސަރަހައްދުން ޕޮޒިޓިވްވި މީހުންނެވެ. އަދި ރިސޯޓްތައް ހިމެނޭގޮތަށް އަތޮޅުތެރެއިން ޕޮޒިޓިވް ވެފައިވަނީ ހަ މީހެކެވެ.
މިއާއެކު ރާއްޖެއިން ކޮވިޑަށް ޕޮޒިޓިވް މީހުންގެ ޖުމްލަ އަދަދަކީ 11062 އެވެ.
މިވަގުތު 61 މީހަކަށް ހޮސްޕިޓަލުގައި އެޑްމިޓްކޮށްގެން ފަރުވާދެމުން އަންނައިރު، އައިސޮލޭޝަން ފެސިލިޓީތަކުގައި ތިބީ 367 މީހެކެވެ. މިވަގުތު އެކްޓިވް ކޭސްތަކުގެ އަދަދަކީ 1140 އެވެ.
ރާއްޖޭގައި ބަލިން ރަނގަޅުވި މީހުންގެ އަދަދު 9880 އަރާފައިވާއިރު، މި ބަލީގައި ރާއްޖެއިން މަރުވެފައިވަނީ 35 މީހެކެވެ.
