މިހާރު ގެއްލުންވިޔަސް، އައްޑޫ-ހުވަދޫ ސީޕްލޭން ދަތުރުތަކުން ފައިދާވާނެ: ގައިސް
10 އޮކްޓޯބަރު 2020 | ހޮނިހިރު 09:322016 ވަނަ އަހަރު ޓީއެމްއާއެކު ފެށި ސީޕްލޭން އޮޕަރޭޝަން ވެސް ފީސަބަލްއެއް ނޫން
ގަން އިންޓަރނޭޝަނަލް އެއަރޕޯޓު، ރިސޯޓުތަކާއި ގެސްޓްހައުސްތައް އިތުރުވުމުން ސީޕްލޭން ދަތުރުތަކުން ފައިދާވާނެ ކަމަށް ގައިސް ވިދާޅުވެފައިވޭ
ގަން އިންޓަރނޭޝަނަލް އެއަރޕޯޓާއި ހުވަދު އަތޮޅާ ދެމެދު ސީޕްލޭން ދަތުރުތައް ފެށި ނަމަވެސް ޝޯޓް ޓަރމްގައި ގެއްލުންވާނެ ކަމަށް ގަބޫލުކުރާ ކަމަށް އައްޑޫ އިންޓަނޭޝަނަލް އެއަރޕޯޓުގެ ކޮންޕެނީގެ މެނޭޖިން ޑިރެކްޓަރ ގައިސް ނަސީރު ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގްރާމްގައި ގައިިސް ވިދާޅުވީ 2016 ވަނަ އަހަރު ޓީއެމްއާއެކު ފެށި އެއްބަސްވުމުގެ ދަށުން ފެށި ސީޕްލޭން އޮޕަރޭޝަން ފެށި ނަމަވެސް ފީސިބަލް ނޫން ކަމަށެވެ. އަދި އެ ޕްރޮޖެކްޓް ނާކާމިޔާބުވި ނަމަވެސް އުންމީދު ނަގާ ނުލާ ކަމަށް ގައިސް ވިދާޅުވިއެވެ.
އޭރު އެ ސަރަހައްދުގެ ރިސޯޓުތައް މަދުކަން ފާހަގަކުރައްވައި ގައިސް ވިދާޅުވީ މިހާރު ހުވަދު އަތޮޅުގައި ދިހަ ރިސޯޓު ހުޅުވާފަ އެބައޮތް ކަމަށާއި، އިތުރު ރިސޯޓުތައް ތަރައްގީ ކުރުމުގެ މަސައްކަތްތައް ކުރިއަށްދާ ކަމަށެވެ.
މޯލްޑިވިއަންއާއެކު ސީޕްލޭންގެ ދަތުރުތައް ފަށާފައިވާ އޮޕަރޭޝަންއާ ބެހޭ ގޮތުން ގައިސް ވިދާޅުވީ މިހާރު އޮތް ޕްލޭންއާ އެއްގޮތަކަށް ކަންކަން ކުރިއަށްދާނަމަ ޝޯޓުޓަރމްގައި ގެއްލުން ވީ ނަމަވެސް ލޯގްޓަރމްގައި ފައިދާވެ، ފީސަބަލްވާނެ ކަމަށެވެ. އަދި މިކަމަަށް ބޭނުންވަނީ ބެޑް ކެޕޭސިޓީ އިތުރުކުރުން ކަމަށް ވިދާޅުވިއެވެ.
އޭގެ އިތުރުން ގައިސް ވިދާޅުވީ ގަން އިންޓަރނޭޝަނަލް އެއަރޕޯޓަށް، އިންޓަރނޭޝަނަލް ޝެޑިއުލް ފްލައިޓްތައް އެޅުމާ ބެހޭ ގޮތުން އެއަރލައިންތަކާ މަޝްވަރާ ކުރަމުންދާ ކަމަށާއި، ކުރިއަށް އޮތްތަނުގައި ޝެޑިއުލް ފްލައިޓްތައް އިތުރުވާނެ ކަމަށެވެ. އަދި މި ޑިސެމްބަރު މަހު ނުވަތަ އަންނަ އަހަރުގެ ޖެނުއަރީ މަހުގެ ތެރޭގައި ޝެޑިއުލް ފްލައިޓްތައް ފެށޭނެ ކަަމަށް އުންމީދު ކުރާ ކަމަށް އޭނާ ވިދާޅުވިއެވެ.
