މަރަދޫ ދާއިރާގެ މެންބަރު ޝަރީފް އެކްސިޑެންޓްވެއްޖެ
އެކްސިޑެންޓް ވެފައި ވަނީ ބުދަ ދުވަހު ހަވީރު
ރައްޔިތުންގެ މަޖިލީހުގެ މަރަދޫ ދާއިރާގެ މެންބަރު އަހުމަދު ޝަރީފް
ރައްޔިތުންގެ މަޖިލީހުގެ މަރަދޫ ދާއިރާގެ މެންބަރު އިބްރާޙިމް ޝަރީފް (މަވޯޓާ) އެކްސިޑެންޓް ވެއްޖެއެވެ.
މައުލޫމާތު ލިބިފައިވާ ގޮތުގައި މެންބަރު ޝަރީފް އެކްސިޑެންޓްވެފައި ވަނީ ބުދަ ދުވަހުގެ ހަވީރުގެ ވަގުތެއްގައެވެ.
މެންބަރު ޝަރީފްގެ ދަރިކަނބަލުން ވަނީ، ބުދަ ދަވަހުގެ ހަވީރު، ޝަރީފް ސައިކަލުގައި އިންނަވަނިކޮށް ފަހަތުން އައި ޓެކްސީއަކުން ސައިކަލުގައި ޖެހި އެކްސިޑެންޓްވެފައިވާ ކަމަށް ބުނެ ޓްވީޓް ކުރައްވާފައެވެ.
އެކްސިޑެންޓް ހިނގި ވަގުތު މަގުމަތީގައި ތިބި މީހުންގެ ފަރާތުން ވަރަށް ބޮޑު އެހީތެރިކަމެއް ލިބުނު ކަމަށާއި، އެކްސިޑެންޓްގެ ސަބަބުން ބައްޕައަށް ކޮންމެވެސް ވަރެއްގެ ސީރިއަސް އަނިޔާތަކެއް ލިބިފައިވާ ކަމަށް ވެސް ޝަރީފްގެ ދަރިކަނބަލުން ވަނީ ވިދާޅުވެފައެވެ.
ނަމަވެސް މިހާރު ހޮސްޕިޓަލަށް ގޮސް ޑޮކްޓަރަށް ދެއްކުމަށް ފަހު ޝަރީފް ގެއަށް ވަޑައިގެންފައިވާ ކަމަށް އޭނާ ވިދާޅުވެފައިވެއެވެ.
