14 އަހަރުގެ ކުޑަކުއްޖަކު ގްރޫމް ކުރި ކަމުގެ ތުހުމަތުގައި މީހަކު ހައްޔަރު ކޮށްފި
6 އޮކްޓޯބަރު 2020 | އަންގާރަ 09:56ހައްޔަރުކޮށްފައިވަނީ ހޯމަ ދުވަހު
ޖިންސީ ގޯނާއާ ދެކޮޅަށް މާލޭގައިކުރި މުޒާހަރާއެއްގެ ތެރެއިން
14 އަހަރުގެ އަންހެން ކުއްޖަކާއި ޖިންސީ އަމަލު ހިންގުމަށް ހިތްވަރުދީ, އެ ކުއްޖާ ގްރޫމް ކުރި ކަމުގެ ތުހުމަތުގައި ލ. އަދި ތ. އަތޮޅު ޕޮލިސްޓޭޝަން ސަރަހައްދުގެ ރަށަަކުން ފިރިހެނަކު ހައްޔަރު ކޮށްފިއެވެ.
ފުލުހުން ބުނީ، އެ މައްސަލަ އާއި ގުޅިގެން ކޯޓު އަމުރުގެ ދަށުން ހައްޔަރު ކޮށްފައިވަނީ އުމުރުން 35 އަހަރުގެ މީހެކެވެ. އެ މައްސަލަ ފުލުހުން ދަނީ ބަލަމުންނެވެ. މި މައްސަލަ ފުލުހުން ދަނީ ބަލަމުންނެވެ.
ކުޑަކުދިންނާ ގުޅޭ މައްސަލަތަކަކީ ސީރިއަސް މައްސަލަތަކަކަށް ވާތީ ކުއްޖާގެ ޒާތީ މައުލޫމާތު ރައްކާތެރި ކުރުމުގެ ގޮތުން، ހުށައެޅުނު އަތޮޅާއި ރަށް ހާމައެއް ނުކުރެއެވެ.
މި ފަހަކަށް އައިސް ޖިންސީ ގޯނާގެ ގިނަ މައްސަލަތަކެއް ފުލުހަށް ހުށައެޅޭއިރު އެ މައްސަލަތައް އަވަހަށް ނިންމުމުގެ މަސައްކަތް ފުލުހުން ދަނީ ކުރަމުންނެވެ.
