ކޮވިޑަށް މިއަދު ޕޮޒިޓިވްވީ 37 މީހުން
5 އޮކްޓޯބަރު 2020 | ހޯމަ 17:39ހޯމަ ދުވަހު ޕޮޒިޓިވްވީ 29 ދިވެހިން
ކޮވިޑް-19 އަށް ސާމްޕަލް ޓެސްޓް ކުރަނީ
ރާއްޖެއިން އިތުުރު 37 މީހަކު ކޮވިޑް-19 އަށް ޕޮޒިޓިވްވެއްޖެ އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާގޮތުން ހޯމަ ދުވަހު ޕޮޒިޓިވްވި މީހުންގެތެރޭގައި ހިމެނެނީ 29 ދިވެހިންނާއި 8 ބިދޭސީންނެވެ. ޕޮޒިޓިވްވި މީހުންގެ ތެރެއިން 35 މީހުންނަކީ ގްރޭޓަރ މާލެ ސަރަހައްދުން ޕޮޒިޓިވްވި މީހުންނެވެ. ރިސޯޓްތައް ހިމެނޭގޮތަށް އަތޮޅު ތެރެއިން ޕޮޒިޓިވް ވެފައިވަނީ 2 މީހުންނެވެ.
މިހާތަނަށް ރާއްޖެ އިން ކޮވިޑް ޖެހުނު މީހުންގެ ޖުމްލަ އަދަދު ވަނީ 10567 އަރާފައެވެ.
އެޗްޕީއޭއިން ހާމަކޮށްފައިވާ ގޮތުން ފާއިތުވި 24 ގަޑިިއިރު 1608 ސާމްޕަލް ވަނީ ޓެސްޓް ކުރެވިފައެވެ.
ރާއްޖެއިން ކޮވިޑް-19 ޖެހުނު މީހުންގެ ތެރެއިން ބަލިން ފަސޭހަވި މީހުންގެ ޖުމްލަ އަދަދު ވަނީ 9427 އަރާފައެވެ. އެކްޓިވް ކޭސްގެ ގޮތުގައި 1099 ކޭސްއެއް ރިޕޯޓް ކޮށްފައިވާއިރު މިވަގުތު އައިސޮލޭޝަންގައި 432 މިހުން ތިބި ކަމަށް އެޗްޕީއޭއިން މައުލޫމާތު ދެއެވެ.
ރާއްޖެއިން ކޮވިޑް ޖެހިގެން މަރުވި މީހުންގެ ޖުމްލަ އަދަދަކީ 34 އެވެ.
