ޝީންޖިއާން އަށް ފަހު ޓިބެޓަށް ވެސް ޗައިނާގެ ހަރުކަށި އުސޫލުތައް
5 އޮކްޓޯބަރު 2020 | ހޯމަ 15:15މިހާތަނަށް ބައި މިލިއަން މީހަކު ޓްރެއިން ކޮށްފައިވޭ: ރިފޯޓް
ފުރަތަމަ މި އަހަރުގެ 7 މަސްދުވަހުގެ ތެރޭގައި ބައި މިލިއަނެއްހާ މީހުން \"ތަމްރީން\" ކޮށްފައިވޭ
ޝީންޖިއާންގައި ގާއިމްކޮށްފައިވާ ކޭމްޕްތަކުގައި މުސްލިމުން ލައްވާ ބުރަ މަސައްކަތް ކުރުވާ، އެމީހުންގެ ސިކުނޑި ދޮވެލަން ޗައިނާ ސަރުކާރުން މަސައްކަތް ކުރާކަން ހާމަވެފައިވަނިކޮށް، ޓިބެޓްގައިވެސް މިފަދަ ކޭމްޕްތަކެއް ގާއިމް ކުރުމުގެ މަސައްކަތް ޗައިނާއިން ކުރަމުންދާ ކަމަށް އެމެރިކާގެ ތިންކް ޓޭންކަކުން ބުނެފިއެވެ.
ޖޭމްސްޓައުން ފައުންޑޭޝަނުން ބުނާ ގޮތުގައި މިއަހަރުގެ ފުރަތަމަ 7 މަސްދުވަހުގެ ތެރޭގައި މިފަދަ ކޭމްޕްތަކުގައި ޓިބެޓްގެ ބައި މިލިއަނެއްހާ މީހުން "ތަމްރީން" ކޮށްފައެވެ.
ތަމްރީންތަކުގައި ޓިބެޓް ދަރިކޮޅު މީހުންގެ ސަގާފަތާ އާދަކާދަތައް ދޫކޮށް، ޗައިނާގެ ބައިގިނަ ހާން ދަރިކޮޅުގެ ސަގާފަތާ އާދަކާދަތަކަށް އެމީހުން އަހުލުވެރިކުރުވާ، އަދި ޗައިނާ ބަސް ދަސްކޮށްދޭ ކަމަށް ވެސް އެ ޖަމިއްޔާގެ ރިޕޯޓްގައިވެއެވެ.
ޝިންޖިއާންގައި ދިރިއުޅޭ މުސްލިމުންނާ ދެކޮޅަށް ހިންގި އަނިޔާވެރި އަމަލުތައް ދިފާއުކުރަމުން ޗައިނާ ސަރުކާރުން އަބަދުވެސް ބުނަނީ އެމީހުންނަށް ތަމްރީން ދެނީ ދީނީ ހައްދުފަހަނައެޅުން ހުއްޓުވުމަށް ކަމަށެވެ. ނަމަވެސް ޓިބެޓްގެ ބުޑިސްޓުންނާއި ދެކޮޅަށްވެސް މި އަނިޔާވެރިކަން އިސްކުރުމުން، ޗައިނާ ސަރުކާރުން މަސައްކަތް ކުރަނީ އެގައުމުގައި ބައި މަދު ދަރިކޮޅުތައް ނައްތާލާ، ނަސްލު ނައްތާލުމުގެ އަމަލުތަކެއް ހިންގަން ކަމަށް ތުހުމަތު ކުރެވޭއެެވެ.
ޗައިނާ އަށް ބައިނަލްއަގްވާމީ ގިނަ ގައުމަތުކުގެ އެކަމަށް ފާޑުކިޔަމުންދާއިރު ޗައިނާއިން އަބަދުވެސް ދަނީ އެ ވާހަކަތައް ދޮގުކުރަމުންނެވެ. މިކަމާއި ބައިނަލްއަގްވާމީ މުޖްތަމައުގެ ފާޑު ކިޔުންތައް ޗައިނާއަށް ވަނީ އަމާޒުވެފައެވެ. އެމެރިކާގެ ބައެއް މީޑިއާތަކުން ވަނީ މީގެ ކުރިން އެތައް ފަހަރެއްގެ މަތިން ޝިންޖިއާންގައި ހިންގަމުންދާ ކަންތައްތައް ތިލަކޮށްފައެވެ.
