ވިޔަފާރިވެރިންނަށް މައުލޫމާތު ދިނުމުގެ ޕްރޮގްރާމެއް ށ. ބިލެތްފަހީގައި ކުރިއަށް ގެންގޮސްފިއެވެ.
އޮކްޓޯބަރ މަހުގެ 04 ވަނަ ދުވަހު ށ. ކަނޑިތީމު ޕޮލިސް ސްޓޭޝަނުން ބިލެތްފަހީގެ ވިޔަފާރިވެރިންނަށް ހާއްސަކޮށްގެން ކުރިއަށް ގެންދިޔަ މި ޕްރޮގްރާމްގައި، އެ ރަށުގެ ފިހާރަތަކަށް ޒިޔާރަތްކޮށް ސަމާލުކަންދޭންވީ ކަންކަމާ ގުޅޭގޮތުން މައުލޫމާތު ދީފައިވައިކަމަށް ފުލުހުން ބުނެފައި ވެއެވެ.
ކުއްކުރާ މީހުންނާއި ކުށްމަދު އަމާން މާހައުލެއް ރަށްރަށުގައި ގާއިމުކޮށް ރައްޔިތުން ހޭލުންތެރިކުރުމަށް ފުލުހުން ކުރަމުންދާ މަސައްކަތްތަކުގެ ތެރެއިން ހިންގި މި ޕޮގްރާމުގައި އެރަށުގެ ފިހާރަތަކުގެ ސަލާމަތާއި ރައްކާތެރިކަންހުރި މިންވަރު ބަލައި އިތުރަށް ރަނގަޅު ކުރަންހުރި ކަންކަން ބުނެދީ ވައްކަންކުރާ ފަރާތްތަަކަށް ފުރުސަތު ނުދިނުމަށް ސަމާލުކަންދޭންވީ ކަންކަމުގެ މައުލޫމާތު ހިއްސާކޮށްފައި ވާނޭ ކަމަށް ފުލުހުން ބުނެފައިވެއެވެ.
މީގެ އިތުރުން މަކަރާއި ހީލަތުން ފައިސާ ހޯދުމަށް ކުރަމުންދާ ކަންކަމުން ސަލާމަތްވެ ރައްކާތެރިވެތިބުމާއި އެފަދަ ކަމެއް ދިމާވެއްޖެނަމަ އަމަލުކުރާނެ ގޮތުގެ މައުލޫމާތު ހިއްސާކޮށް އަދި ބިލެތްފަހީގައި ދުއްވާ އެއްގަމު އުޅަނދުތަކަކީ އެއްގަމު ދަތުރުފަތުރުގެ ގާނޫނާއި ގަވާއިދުތަކާ އެއްގޮތަށް ދުއްވާ އުޅަނދުތަކެއްތޯ ބަލާފައިވާނޭ ކަަމަށް ފުލުހުން ބުނެފައި ވެއެވެ.
އެގޮތުން އުޅަނދުތަކުގެ އަހަރީ ފީއާއި އިންޝުއަރެންސާއި ރޯޑްވާދިނަސް ބެލުމުގެ އިތުރުން ޓްރެފިކްގެ އެހެނިހެން ވައިލޭޝަންތައް ބަލާ, ގަވާއިދާ ހިލާފަށް އުޅަނދު ދުއްވާ ފަރާތްތަކަށް އެކަންކަން ރަނގަޅު ކުރުމަށް ނަސޭހަތްތެރިވެފައިވާނޭ ކަމަށްވެސް ފުލުހުން ބުނެފައި ވެއެވެ.
