ވެހިކަލް ދުއްވުން މަނާ ގަޑިއަށް ބަދަލު ގެނެސް، ރޭގަނޑު 8ން 10ށް ވެހިކަލް ދުއްވުން ހުއްދަކޮށްފި
2 އޮކްޓޯބަރު 2020 | ހުކުރު 20:19ހޮނިހިރު ދުވަހުން ފެށިގެން އެއްގަމު އުޅަނދު ދުއްވުން މަނާ ގަޑި ބަދަލުވާނެ
މާލޭ މަގުމަތި - ވެހިކަލް ދުއްވުން މަނާ ވަގުތުތަކެއް ކަނޑައެޅީ ކޮވިޑް ކޮންޓްރޯލްކުރުމުގެ ގޮތުން
އެއްގަމު އުޅަނދު ދުއްވުން މަނާ ގަޑިތަކަށް ހޮނިހިރު ދުވަހުން ފެށިގެން ބަދަލު ގެނައުމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ނިންމައިފިއެވެ.
އާދީއްތަ ދުވަހުގެ ރޭގެ 8:00ން ފެށިގެން ފަތިހު 5:00އާ ހަމައަށް ކޮންމެ ރެއަކު ވެސް އެއްގަމު އުޅަނދު ދުއްވުން މަނާ ވާނެ ކަމަށް ހެލްތް އެމަރޖެންސީ އޮޕަރޭޝަން ސެންޓަރ (އެޗްއީއޯސީން) ނިންމާފައިވަނީ މިދިޔަ އޯގަސްޓު މަހުގެ 23 ވަނަ ދުވަހުން ފެށިގެންނެވެ. އެހެން ނަމަވެސް މިހާރު މި ނިންމުން ބަދަލުކޮށް، ހޮނިހިރު ދުވަހުން ފެށިގެން އެއްގަމު އުޅަނދު ދުއްވުން މަނާ ގަޑިއަކީ ރޭގަނޑު 10:00ން ފެށިގެން ފަތިހު 05:00 އަށެވެ.
ވެހިކަލްގގެ އިތުރުން، ރޭގަނޑު 10:00ން، ފަތިހު 05:00ށް އާންމުން މަގުމަތީގައި ހަރަކާތްތެރިވުމަކީވެސް މަނާ ކަމެކެވެ.
ވެހިކަލް ދުއްވުން މަނާ ގަޑިތައް ކަނޑައެޅުމާއެކު އޭރު ފުލުހުން ބުނެފައިވަނީ، މަނާ ވަގުތުތަކުގައި ބޭރުގައި އުޅޭ މީހުން ފުލުހުން ބަލަމުން ގެންދާނެ ކަމަށެވެ. އެގޮތުން ފުރަތަމަ ފަހަރަށް ނަސޭހަތްތެރިވާނެ ކަމަށާއި، އަދި ދެވަނަ ފަހަރު އެ އުޅަނދެއް ޗެކްކުރެވިއްޖެ ނަމަ ޖޫރިމަނާ ކުރާނެ ކަމަށް ފުލުހުން ބުނެފައިވެއެވެ. އޭގެއިތުރުން، އިތުރު ފިޔަވަޅެއްގެ ގޮތުން މިގޮތަށް ތަކުރާރުވާނަމަ އެ އުޅަނދެއް ޓޯ ކުރާނެ ކަމަށް ފުލުހުން ވަނީ ބުނެފައެވެ.
ހެލްތު ޕްރޮޓެކްޝަން އެޖެންސީން މި ބަދަލު ގެނެސްފައިމިވަނީ، ރާއްޖޭގެ ހާލަތު ރަނގަޅުުވާން ފެށުމުންނެވެ. އެގޮތުން ދުވާލެއްގެ މައްޗަށް ރިޕޯޓްކުރާ ކޭސްތަކުގެ އަދަދު ވަނީ ދަށްވެފަ އެވެ.
