މިފްކޯގެ ޕްރެސެސިން ޕްލާންޓު، ''ކަނޑުއޮތްގިރީ ފިޝްވިލެޖް'' ގައި މަސް ބަންދުކޮށް ދިނުމުގެ ހިދުމަތް އަލުން ފަށައިފިއެވެ.
ހޮނިހިރު ދުވަހު މިފްކޯއިން ނެރެފައިވާ ބަޔާނެއްގައި ބުނީ، ކަނޑުއޮތް ގިރި އިން އާއްމު ފަރާތްތަކަށް ދެމުންއައި މަސް ބަންދު ކޮށްދިނުމުގެ ހިދުމަތް އަލުން ހުޅުވާލުމުގެ މަގްސަދަކީ، މަސްވެރިކަމުގެ ސިނާޢަތް ފުޅާކުރުމަށް ސަރުކާރުން ގެންގުޅޭ ސިޔާސަތުގެ ދަށުން ބޮޑުކަންނެލީގެ އިތުރުން ފަރުމަހުގެ ބާވަތްތައްވެސް ބަންދުކޮށް ރާއްޖެއިން ބޭރުކުރެވޭ މަހުގެ ބާވަތްތައް އިތުރުކުރުން ކަމަށެވެ. އަދި އެކްސްޕޯޓް ކުރުމުގައި އާއްމުންގެ ބައިވެރިވުން އިތުރުކުރުމުގެ މަގްސަދުގައި ކަމަށް މިފްކޯއިން ބުންޏެވެ.
އެ ކުންފުނިން ބުނީ، އެކްސްޕޯޓްކުރެވޭ ތާޒާ މަހުގެ ބާވަތްތައް އިތުރުވެގެން ދިޔުމުން، ރާއްޖެ އަށް އެތެރެވާ ބޭރު ފައިސާގެ މިންވަރު އިތުރުވެގެން ދިޔުމުގެ މަގުތަނަވަސް ވެގެންދާނެ ކަމަށެވެ. ކަނޑުއޮތް ގިރި ގައި ބޮޑުކަންނެއްޔާއި ފަރުމަސް ބަންދު ކުރަން އެދޭ ފަރާތްތަކުން އެކަމަށް އެދި ފޯމް ހުށަހަޅަން ޖެހެއެވެ.
މިފްކޯއިން ބުނީ، އެ ފުުރުސަތު ދެމުންދާނީ ކަނޑުއޮތް ގިރިގެ ވަސީލަތްތައް ހުރި މިންވަރުންނެވެ. މަސް ޕެކްކުރަން އެދި ހުށަހަޅާފޯމްމިފްކޯގެ ވެބްސައިޓުންޑައުންލޯޑު ކުރެވޭނެއެވެ.
