ސްނޯކްލިންއަށް ދިޔަ ޒުވާނަކު މަރުވެފައި އޮއްވާ ފެނިއްޖެ
ހަށިގަނޑު މިހާރު ވަނީ އައިޖީއެމްއެޗްއަށް ގެންގޮސްފައި
އަމްނާ އިމާދު | 21 ސެޕްޓެމްބަރު 2020 | ހޯމަ 12:48
އެމްއެންޑީއެފްގެ ކޯސްޓްގަރޑުން ކަނޑުމަތިގައު ހަރަކާތްތެރިވަނީ
ވެސްޓް ޕާކް ސަރަހައްދުން ސްނޯކްލިންއަށް ދިޔަ ޒުވާނެއް މަރުވެފައި އޮއްވާ ފެނިއްޖެއެވެ.
އެމްއެންޑީއެފުން ބުނީ މާލެ ސިޓީ ވެސްޓް ޕާކް ސަރަހައްދަށް ހޯމަ ދުވަހު 11:00 ހާއިރު ސްނޯކްލިންއަށް އެކަނި ދިޔަ މ. ބޮއެލިންގ ޕިޝް 24 އަހަރުގެ ޝައްފާން ރަޝީދު ޚަބަރެއް ނުވަގެން އޭނާ ހޯދުމަށް އެމްއެންޑީއެފް މާލެ އޭރިޔާ ކޯސްޓްގަރޑް ސްކޮޑްރަންގެ ޑްރައިވަރުން މަސައްކަތް ކުރަމުންގެންދަނިކޮށް އޭނާގެ ހަށިގަނޑު ފެނިފައިވާ ކަމަށެވެ.
އެމްއެންޑީއެފުން ބުނީ ހަށިގަނޑު ފެނުނީ އެ ސަރަހައްދުގެ މޫދުގެ ގަޑިން ކަމަށެވެ. މިހާރު ހަށިގަނޑު އައިޖީއެމްއެޗްއަށް ގެންގޮސްފައިވާ އެމްއެންޑީއެފުން ބުނެއެވެ.
މި ހާދިސާގެ ރިޕޯޓު ލިބިފައިވަނީ ހޯމަ ދުވަހުގެ 16:36 ހާއިރު ކަމަށެވެ.
