ފްލޫ ކްލިނިކްތަކުން ފެންނަ ކޮވިޑް ކޭސްތަކުގެ އަދަދު މަދު ވެއްޖެ
20 ސެޕްޓެމްބަރު 2020 | އާދީއްތަ 00:04މިދިޔަ މަހާ އަޅާ ބަލާއިރު މި ސެޕްޓެމްބަރު މަހު ނެގި ސާމްޕަލް ތަކުގެ އަދަދު ދަށް
ސެނަހިޔާގެ ފްލޫ ކްލިނިކް
ފާއިތުވި އޮގަސްޓް މަހާ އަޅާ ބަލާއިރު، މި މަހުގެ ތެރޭގައި ފްލޫ ކްލިނިކްތަކުން ފެންނަ ކޮވިޑް-19 ގެ ކޭސްތަކުގެ އަދަދު މަދު ކަމަށް އައިޖީއެމްއެޗްގެ ޑޮކްޓަރު އަހުމަދު ޝަހީދު ވިދާޅުވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) ގެ ފަރާތުން ނެޝަނަލް އެމަރޖެންސީ އޮޕަރޭޝަން ސެންޓަރުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ޑރ. ޝަހީދު ވިދާޅުވީ ފްލޫ ކްލިނިކްތަކުން ނަގާ ސާމްޕަލްތައް ޕޮޒިޓިވް ވާ މިންވަރަށް ބަލާއިރު އޮގަސްޓް މަހުގެ ތެރޭގައި އެ އަދަދު އުޅެނީ ގާތްގަނޑަކަށް 18 އާއި 20 ޕަސެންޓާއި ދޭތެރޭގައި ކަމަށް ވިދާޅުވިއެވެ.
އޮގަސްޓް މަހުގެ މި އަދަދުތަކަކީ މަތީ އަދަދެއް ކަން ފާހަގަކުރައްވާ ޑރ. ޝަހީދު ވިދާޅުވީ މިދިޔަ މަހާ އަޅާ ބަލާއިރު މި ސެޕްޓެމްބަރު މަހު ނެގި ސާމްޕަލް ތަކުގެ އަދަދު ދަށް ކުރެވިފައިވާ ކަމަށެވެ.
ޑރ. ޝަހީދު މިހެން ވިދާޅުވެފައިވާއިރު ޑރ. ޝީނާ މޫސާ ވިދާޅުވެފައިވަނީ މި މަހުގެ ފަހުކޮޅުން ފެށިގެން ކޮވިޑް-19 ގެ ކޭސްތައް މަދުވާނެ ކަމަށް ބެލެވޭ ކަމަށެވެ.
