ކ. މާލެ
|
19 ސެޕްޓެންބަރ 2020 | ހޮނިހިރު 17:15
ރާއްޖޭގެ ރިސޯޓެއް
ރާއްޖޭގެ ރިސޯޓެއް
ބުކިންގ.ކޮމް
ރިސޯޓްތައް ހުޅުވާލުން
އޮކްޓޯބަރުގެ ނިޔަލަށް 94 އިންސައްތަ ރިސޯޓް ހުޅުވިގެންދާނެ: އެމްއެމްޕީއާރުސީ
 
ރާއްޖެއަށް ވަނީ ސޭޕް ޓޫރިޒަމް ސްޓޭމްޕް ލިބިފައި
 
ރާއްޖޭގައި އޮޕަރޭޓް ކުރަމުންދަނީ 156 ރިސޯޓެއް

އަންނަ އޮކްޓޯބަރު މަހުގެ ނިޔަލަށް 94 އިންސައްތަ ރިސޯޓް އަލުން ހުޅުވިގެންދާނެ ކަމަށް މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެންޕީއާރުސީ) އިން ބުނެފިއެވެ.

އިނގިރޭސިވިލާތުގެ ގްލޯބްޓްރެންޑް މެގަޒިންއަށް މަޢުލޫމާތުދެއްވަމުން އެމްއެމްޕީއާރުސީގެ މެނޭޖިންގ ޑިރެކްޓަރ ތޮއްޔިބް މުހައްމަދު ވިދާޅުވެފައިވަނީ މިދިޔަ ޖުލައި މަހުގެ 15 ގައި ރާއްޖޭގެ ބޯޑަރު އަލުން ހުޅުވާލި ފަހުން ގިނަ އަދަދެއްގެ ރިސޯޓްތައް ހުޅުވާފައިވާ ކަމަށެވެ. އަދި ރާއްޖޭގައި އޮޕަރޭޓްކުރާ 156 ރިސޯޓްގެ ތެރެއިން 146 ރިސޯޓެއް އަންނަ އޮކްޓޫބަރު މަސް ނިމެންވާއިރަށް ހުޅުވިގެންދާނެ ކަަމަށް އުއްމީދުކުރައްވާކަމަށް ތޮއްޔިބު ވިދާޅުވި އެވެ.

ރިސޯޓުތައް ހުޅުވަމުންގެންދާއިރު، ތޮއްޔިބު ވިދާޅުވިގޮތުގައި ކޮންމެ ރިސޯޓެއްވެސް ހުޅުވަނީ ކޮވިޑް-19 އިން ރައްކާތެރިވުމަށް އަޅަންޖެހޭ ހާއްސަ ފިޔަވަޅުތައް ބަޔާންކުރާ، ގައިޑްލައިނާއި އެއްގޮތަށެވެ.

ރާއްޖެ އަންނަ ފަތުުރުވެރިން މި ހިނގާ ސެޕްޓެމްބަރު 10 ވަނަަ ދުވަހުން ފެށިގެން ރާއްޖެ އައުމުގެ ކުރިން ޕީސީއާރު ނެގެޓިވް ސެޓްފިކެޓު ހުށަހަޅަން ޖެހޭގޮތަށް ވަނީ ހަމަޖައްސާފައެވެ. މީގެ އިތުރުންވެސް ފަތުރުވެރިންނަށް ރިސޯޓުގައި ޚިދުމަތްދޭ މުވައްޒަފުންގެ ރައްކާތެރިކަމަށް ޙާއްސަ ގައިޑްލައިންތަކެއް ވަނީ އެކުލަވާލާފައެވެ.

ރާއްޖެ އަކީ ފަތުރުވެރިންނަށް ރައްކާތެރިތަނެއްގެ ގޮތުގައި ހެދުމަށް ކުރަމުންދާ މަސައްކަތްތައް ވޯލްޑް ޓްރެވަލް އެންޑް ޓޫރިޒަމް ކައުންސިލް (ޑަބްލިއުޓީޓީސީ) އިން ބަލައިގަނެ ރާއްޖެ އަށް ވަނީ އެ ކައުންސިލުންދޭ ސޭފް ޓޫރިޒަމް ސްޓޭމްޕްވެސް ދީފައެވެ. މި ސްޓޭމްޕަކީ ވޯލްޑް ޓޫރިޒަމް އޯގަނައިޒޭޝަންގެ އިތުރުން، އިތުރު 200 ގައުމަކުން ބަލައިގަންނަ ސްޓޭމްޕެއްކަމަށް ޓޫރިޒަމް މިނިސްޓްރީން މައުލޫމާތުދެއެވެ. އަދި މި ސްޓޭމްޕްގެ ސަބަބުން ރާއްޖޭގެ ފަތުރުވެރިކަމާއި މެދު ބައިނަލްއަގްވާމީ މަޝްރަހުގައި އޮތް އިތުބާރު އިޔާދަވެގެންދާނެ ކަމަށް މިނިސްޓްރީ އިން ގަބޫލު ކުރެއެވެ.

ރާއްޖޭގެ ބޯޑަރުތައް މާރޗް މަހުގެ 27 ވަނަ ދުވަހު ބަންދު ކުރުމަށްފަހު އަލުން ހުޅުވާލާފައިވާއިރު، މި ފެށޭ އޮކްޓޯބަރު މަހުގެ ތެރޭގައި މާލެ ސަރަހައްދު ފިޔަވައި އެހެން ސަރަހއްދުތަކުގައި ހުރި ގެސްޓްހައުސްތައް ހުޅުވުމަށް ސަރުކާރުން ދަނީ މަސައްކަތްކުރަމުންނެވެ. އަދި މާލޭ ސަރަޙައްދުގެ ގެސްޓްހައުސްތައް އަންނަ ނޮވެމްބަރު މަހުގެ ތެރޭގައި ހުޅުވުމަށް ސަރުކާރުން ދަނީ މަސައްކަތް ކުރަމުންނެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
0%
ކޮމެންޓް