ކ. މާލެ
|
18 އޭޕްރިލް 2017 | އަންގާރަ 05:03
ކުރީގެ މެންބަރު އިބްރާހިމް މުއްތަލިބު - ޤައުމު އިސްލާހުކުރުމަށް ތެދުވުމަކި މުހިންކަމެއްކަމަށް އޭނާ ވިދާޅުވި
ކުރީގެ މެންބަރު އިބްރާހިމް މުއްތަލިބު - ޤައުމު އިސްލާހުކުރުމަށް ތެދުވުމަކި މުހިންކަމެއްކަމަށް އޭނާ ވިދާޅުވި
ރާއްޖެ އެމްވީ
ކުނޫޒް ޖަލްސާ
މުއްތޮލިބުގެ ނަސޭހަތް، ސަން ސިޔާމަށް - އެކުވެރިން ކަތިލެވޭއިރު ބަލަން ނުހުރޭ
 
މި ޕޯޑިއަމްއަށް އަންނަން ޖެހުނީ ގަބޫލު ނުކުރާ ކަންތައްތަކެއް ސަރުކާރުން ހިންގަމުންދާތީ
 
ސަރުކާރުން އަންނަނީ ވިޔަފާރިވެރިވެރިންނަށް ދަތިތައް ކުރިމަތިކުރަމުން
 
ސަރުކާރުން ހިންގާ ވައްކަންތަކުގެ ތަފްސީލެއް ނޭނގޭ

އެމްޑީއެގެ ލީޑަރު އަހުމަދު ސިޔާމު މުހައްމަދުގެ އެކުވެރިން ކަތިލެވޭ އިރު ބަލަން ތިބެގެން ނުވާނެ ކަމަށާއި އެކަމަށް ވިސްނުމަށް ފަރެސްމާތޮޑާ ދައިރާގެ ކުރީގެ މެންބަރު، އިބްރާހިމް މުއްދަލިބު ގޮވާލައްވައިފި އެވެ.

 

ހޯމަ ދުވަހު ރޭ މ. ކުނޫޒްގައި ގުޅިފައިވާ ސިޔާސީ ޕާޓީތަކުން ބޭއްވި ޖަލްސާގައި ވާހަކަދައްކަވަމުން މުއްތަލިބު ވަނީ މިއަދުގެ ހާލަތަށް ރިޔާއަތްކުރައްވާ އެމްޑީއޭގެ ލީޑަރު އަހްމަދު ސިޔާމަށް ނަސޭހަތްތެރިވެފަ އެވެ. އެގޮތުން މުއްލަތިބު ވިދާޅުވީ، މި ސަރުކާރަށް ހެޔޮއެދިގެން މަސައްކަތް ކުރި ހުރިހާ އެންމެން އަންނަނީ އަޒުލް ކުރަމުން ކަމަށާއި، އެކަމުން ނުފުދިގެން މިހާރު ވިޔަފާރިވެރިންނަށް ދަތިކުރުމުގެ މަސައްކަތް ފަށާފަވާ ކަމަށެވެ.

 

މުއްލަތިބު ވިދާޅުވީ، އެކުވެރިން ކަތިލެވޭއިރު އެ މަންޒަރު ބަލަން ހުރެގެން ނުވާނެ ކަމަށެވެ. އަދި އެކަމަށް ވިސްނާވަޑާއިގަތުމަށް ސިޔާމަށް އިލްތިމާސްކުރެއްވި އެވެ. މުއްތޮލިބް ވިދާޅުވީ، ގާސިމްއަށް ފަހުގައި ދެން މިސަރުކާރުން ނުކުމެވަޑާއިގަންނަވާނީ ސިޔާމާއި ދެކޮޅަށް ކަމަށް އޭނާ ވިދާޅުވި އެވެ.

 

މުއްތަލިބު ވިދާޅުވީ، ރައްޔިތުންގެ މަޖިލީހުގެ މެންބަރުން، މާލިއްޔަތު ގާނޫނަށް ބަދަލު ގެނައީ، ސަރުކާރުގެ ތަރައްގީ މަޝްރޫއުތައް ކުރިއަށް ގެންދިނުމަށް އަވަސްކޮށްދިނުމުގެ މަގްސަދުގައި ކަމަށާއި އެއްވެސް ހާލެއްގައި އޭގެ ނާޖައިޒް ފައިދާ ސަރުކާރުން ނަގާނެ ކަމަށް ވިސްނަވައިގެން ނޫން ކަމަށެވެ.

 

"މިހާރު ހިނގަމުންދާ ކަންކަމުގެ ތެރެއިން، ގާސިމަށް ކުރެވޭ ދައުވާތަކުގެ ތެރެއިން، އެމަނިކުފާނު ދައްކަން ނުޖެހޭ 92 މިލިއަން ރުފިޔާއެއްގެ ވާހަކަ އަންނަނީ ދެކެވެމުން. އަޅުގަނޑަށް ގަބޫލު ކުރެވޭ ގޮތުގައި މިގޮތަށް ފައިސާ ސަރުކާރުން މި ހޯއްދަވަނީ ސަރުކާރު ދަރަނިވެރިވުމުން." މުއްތަލިބު ވިދާޅުވި އެވެ.

 

މިހާރު މާލިއްޔަތު ގާނޫނަށް ގެނެސްފައިވާ ބަދަލުތަކުގެ ސަބަބުން، ސަރުކާރުން ވައްކަން ކުރިއަސް ރައްޔިތުންނަށް ނޭންގޭނެ ކަމަށް އޭނާ ވިދާޅުވި އެވެ.

 

މުއްތަލިބު ވިދާޅުވީ، 2008 ވަނަ އަހަރުގެ ތެރޭގައި ދިވެހި ރާއްޖޭގެ މާލިއްޔަތު ބެލެހެއްޓުމަށް ހަރުދަނާ އުސޫލުތަކެއް އެކުލަވާލެވުނު ކަމަށެވެ. އެގޮތުން ދިވެހި ދައުލަތުގެ އެކައުންޓިން ނިޒާމަކީ ޕަބްލިކް އެކައުންޓިން ނިޒާމަކަށް ބަދަލު ކުރެވިގެން ދިޔަކަމަށް އޭނާ ވިދާޅުވި އެވެ. މީގެ އިތުރުން ގާސިމް އިބްރާހިމްގެ އިސްނެންގެވުމެއްގެ ދަށުން މާލިއްޔަތު ބޭނުންހާ ގޮތެއް ނެހެދޭނެ ހަރުދަނާ އުސޫލުތަކެއް ގެނެވުނުކަމަށް އޭނާ ވިދާޅުވި އެވެ. އެގޮތުން ލޯން ނެގޭނީ، މަޖިލީހުގެ ހުއްދަ ހޯދައިގެން ކަމަށް އޭރު ކަނޑައެޅުނުކަން މުއްތަލިބު ފާހަގަކުރެއްވި އެވެ. އެހެން ނަމަވެސް މިއަދު އަނެއްކާވެސް މަޖިލީހުން އެ އުސޫލަށް ބަދަލު ގެނެސްފައިވާ ކަމަށް އޭނާ ވިދާޅުވި އެވެ.

 

"މިއަދު އަޅުގަނޑުމެންނަށް ނޭނގެ މިގައުމަށް ނަގާފައިވަނީ ކިހާ އަދަދެއްގެ ލޯނެއްކަން. ދައްކަން ޖެހެނީ، ކޮން އިރަކު ކަމެއް. ނެގިފަ އޮތީ ކޮން ގައުމަކުން ކަމެއް. އިންޓްރެސްޓް ރޭޓަކީ ކޮބައިކަމެއް. އަޅުގަނޑުމެންނަށް ފަހުން ގެނެވުނު ބަދަލާ އެކީގައި ދައުލަތަށް ލިބޭ އެހީއާއި ނަގާލޯން އެހެން އެކައުންޓް ތަކަށް ލުމުގެ ފުރުސަތު ލިބިގެންދިޔައީ." މުއްތަލިބު ވިދާޅުވި އެވެ.

 

މުއްތަލިބު ވިދާޅުވީ، މިއަދު ގާއިމް ކުރެވިފައިވާ ނިޒާމަކަކީ އެނިޒާމުގެ ތެރެއިން ކުރެވިގެންދަނީ ކީއްކަން ރައްޔިތުންނަށް ނޭންގޭ ނިޒާމެއް ކަމަށެވެ. މުއްތަލިބު ވިދާޅުވީ، އެތަށް ލޯނެއް ސަރުކާރުން ނަގާފައިވާކަމަށާއި އެހެންނަމަވެސް އޭގެ ތަފްސީލުތަކެއް ވެސް ރައްޔިތުންނަށް ނޭންގޭ ކަމަށެވެ. އަދި މިއަދު ކުނޫޒުގެ ޕޯޑިއަމްއަށް އަންނަން ޖެހުނީ ގަބޫލު ނުކުރާ ކަންތައްތަކެއް، ސަރުކާރުން ހިންގަމުން ގެންދާތީ ކަމަށް އޭނާ ވިދާޅުވި އެވެ.

 

ދިވެހި ދައުލަތުގައި އިންޑިޔާ ސަރުކާރުން ނެގި 100 މިލިއަން ޑޮލަރުގެ ލޯނު ދެއްކޭވަރުގެ ގާބިލް ކަމެއް ނެތް ކަމަށް މުއްތަލިބު ވިދާޅުވި އެވެ.

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
0%
ކޮމެންޓް
18 އޭޕްރިލް 2017 | އަންގާރަ 17:44
އަލީ
މުއްތަލިބު މިހުރިހާ ދުވަހު ކޮންތާކު އުލުނީ