ކޮވިޑް ޖެހިގެން އިތުރު މީހަކު މަރުވެއްޖެ، މިއީ 32 ވަނަ މަރު!
13 ސެޕްޓެމްބަރު 2020 | އާދީއްތަ 07:17މަރުވީ އުމުރުން 58 އަހަރުގެ އަންހެނެއް
ކޮވިޑަށް ފަރުވާ ހޯދަމުންދާ މީހަކު ކަރަންޓީނަށް ގެންދިއުން
ކޮވިޑް-19 ޖެހިގެން ރާއްޖޭގައި އުމުރުން 58 އަހަރުގެ ދިވެހި އަންހެނެއް މަރުވެއްޖެއެވެ.
ހެލްތު ޕްރޮޓެކްޝަން އޭޖެންސީ، (އެޗްޕީއޭ) އިން ބުނީ އޭނާ މަރުވީ ރޭ ދަންވަރު 3:55 ހާއިރު، ހުޅުމާލެ މެޑިކަލް ފެސިލިޓީގެ އައިސީޔޫގައި ފަރުވާދެމުން ދަނިކޮށް ކަމަށެވެ. މިއީ ކޮވިޑް ޖެހިގެން މަރުވި 32 ވަނަ މީހާއެވެ. އާއިލާގެ ފަރާތުން ރާއްޖެއެމްވީއަށް މައުލޫމާތު ދެމުން ބުނީ ކޮވިޑް-19ށް ޕޮޒިޓިވްވެ އެ މީހާއަށް ފަރުވާ ދޭން ފަށާފައިވަނީ މި މަހުގެ 3 ވަނަ ދުވަހު ކަމަށެވެ.
ހަލުވިމިނެއްގައި ކޮވިޑްގެ ކޭސްތައް ފެތުރެމުންދާއިރު މިހާތަނަށް ރާއްޖެ އިން 9052 މީހުން ބައްޔަށް ވަނީ ޕޮޒިޓިވްވެފައެވެ. ބަލިން ރަނގަޅުވި މީހުންގެ އަދަދު ވެސް ވަނީ އިތުރުވެ 7055ށް އަރާފައެވެ.
މިހާތަނަށް ރާއްޖޭގެ 30 ރަށަކުން 113 ކޭސް ފެނިފައިވާއިރު، މިވަގުތު އެކްޓިވް ކޭސް ފެނިފައިވަނީ 28 ރަށަކުންނެވެ. އެގޮތުން 28 ރަށުގައި 109 އެކްޓިވް ކޭސް އުޅޭ އިރު، މީގެ ތެރޭގައި ހިމެނެނީ 90 ދިވެހިންނާއި 18 ބިދޭސީންނެވެ. މޮނިޓަރިންގެ ހާލަތުގައި މިވަގުތު އޮތީ ގދ. މަޑަވެލި އަދި ހޯނޑެއްދޫއެވެ.
