ޖަނަވާރުންނަށް ކުރި ކޮވެކްސިން ޓެސްޓުތަށް ކާމިޔާބުވެއްޖެ

ކޮވެކްސިން ޖަނަވާރުންނަށް ޓެސްޓުކޮށް, ކާމިޔާބުވެއްޖެއެވެ.

އިންޑިޔާގެ ބާރަތް ބަޔޮޓެކް އިން ހުކުރުދުވަހު ހާމަކުރި ގޮތުގައި އެގައުމުން އުފެއްދި ކޮވެކްސިން ނަމަކަށް ކިޔާ ވެކްސިންއެއް ޖަނަވާރުން ގަޔައް ޖަހައިގެން ކުރި ޓެސްޓުތައް ވަރަށް ކާމިޔާބު ކަމަށެވެ.

ކޮވެކްސިން އަކީ ބާރަތް ބަޔޮޓެކް އަދި އިންޑިޔަން ކައުންސިލް އޮފް މެޑިކަލް ރީސާރޗް (އައި.ސީ.އެމް.އާރު) އިން ގުޅިގެން އުފައްދާފައިވާ ވެކްސިންއެކެވެ.

މި ވެކްސިންގެ ފުރަތަމަ ފޭސް އަދި ދެވަނަ ފޭސް ކުރިޔަށް ގެންދިޔުމަށް 12 އިންސްޓްޓިޔުޓް އަކުން 1125 މީހަކުވަނީ ހޯދާފައެވެ. ކޮންމެ ވެކްސިން އެއްވެސް ކާމިޔާބުގެ މަންޒިލަށް ދެވޭނީ މި ދެ މަރުހަލާ ކަނޑައްތު ކޮއްގެންނެވެ.

މި ވެކްސިން އުފެއްދިކަން އިއުލާން ކޮއްފައިވަނީ ޖޫން މަހުގެ ފަހުކޮޅުގައެވެ. އެއިރުން ފެށިގެން ވެކްސިން ޓެސްޓު ކުރުމުގެ މަރުހަލާތަށް ހުއްޓުމެއްނެތި ވަނީ ކުރިއަށް ގެންގޮސްފައެވެ.

މި މަރުހަލައިގައި އެންމެ ބޮޑު ކުރިއެރުމެއް ހޯދާ އެންމެ ބޮޑު އުންމީދެއް، ދުނިޔެއަށް މިކަމުގައި ގެނުވީ އިނގިރޭސި ވިލާތުގެ އޮކްސްފޯޑު ޔުނިވަރސިޓީއާއި ބޭސް އުފެއްދުމުގައި މަޝްހޫރު، "އަސްޓްރަ ޒެނެކަ" ގުޅިގެން އުފެއްދި ވެކްސިންއެވެ. އޭގެ އެންމެ ފުރަތަމަ އެކެއް އަދި ދެވަނަ މަރުޙަލާ ނިންމާލީ ވަރަށް ކާމިޔާބު ކަމާއެކުގައެވެ.

ނަމަވެސް 3 ވަނަ މަރުޙަލާގެ އަޖުމަބެލުމުގެ ތެރޭގައި، ވެކްސިން ދެވުނު މީހަކަށް މިދިމާވި މައްސަލައަކުން މި މައްސަލަ ތަޙުގީގުކޮށް، މި ވީގޮތް ދެނެގަނެވެންދެން، އަޖުމަ ބެލުމުގެ މަރުޙަލާ، މިވަގުތަށް އޮތީ މެދުކެނޑިފައެވެ.