މިލިއަން މާރޓް ލަކީޑްރޯގެ ނަސީބު ވެރިންނަށް އިނާމު ހަވާލުކޮށްފި

މިލިއަން މާރޓް ލަކީޑްރޯގެ ނަސީބް ވެރިންނަށް އިނާމު ހަވާލްކޮށްފިއެވެ.

އެފިހާރައިން ކުރިއަށް ގެންދިޔަ ލަކީޑްރޯގެ ނަސީބުވެރިންނަށް އިނާމު ހަވާލުކުރުން ކުރިއަށް ގެންގޮސްފައި ވަނީ ހޯމަ ދުވަހުގެ ހަވީރު، މިލިއަން މާޓުގައި އެކަމަށްޓަކައި ބޭއްވި ހާއްސަ ރަސްމިއްޔާތެއްގައިއެވެ.

އެގޮތުން 100،000 ރުފިޔާގެ ފައިސާގެ އިނާމް ތިން ބޭފުޅަކަށް ވަނީ ދީފައެވެ. އެއީ ޒަކްވާން ހުސައިން ނާޒިމް، ސަމްޝިއްޔާ މުޙައްމަދު ސައީދު އަދި ސަރިތާ ގުރުންގް އެވެ. 300،000 ރުފިޔާގެ ނަގުދު ފައިސާލިބޭ ގޮތަށް ކުރިޔަށް ގެންދިޔަ މި ޕްރޮމޯޝަން ކުރިޔަށް ދިޔައީ 200 ރުފިޔާއިން މަތީން ވިޔަފާރި ކުރި ކަސްޓަމަރުންނަށް ކޫޕަން ދޫކޮށްގެންނެވެ.

ޕްރޮމޯޝަން ކުރިޔަށް ގެންގޮސްފައި ވަނީ 01 އޮކްޓޫބަރ 2019ން 28 ފެބްރުއަރީ 2020 ގެ ނިޔަލަށެވެ.

މި ޕްރޮމޯޝަނަކީ މިލިއަން ގްރޫޕްގެ ފަރާތުން އަލަށް ހުޅުވި މިލިއަން މާރޓް ހުޅުވުން ފާހަގަ ކުރުމުގެ ގޮތުން ކުރިޔަށް ގެންދިޔަ ޕްރޮމޯޝަނެކެވެ. މިލިއަން މާރޓް ހުޅުވާފައިވަނީ މަޖީދީ މަގު މިލިއަން ބުކްޝޮޕާއި ޖެހިގެން މާފަންނު ސަހަރާ ކައިރީގައެވެ.

މިލިއަން ގުރޫޕްގެ ބުކްޝޮޕްތަކަކީ ވެސް ރާއްޖޭގައި ވަރަށް މަޝްހޫރު ބުކްޝޮފްތަކަކަށް ވާއިރު، މިލިއަން ގުރޫޕްގެ މިލިއަން ބުކްޝޮޕުން ވަނީ މީގެ ކުރިން ގިނަ ޕްރޮމޯޝަންތައް ބާއްވާ ބޮޑެތި ފައިސާގެ އިނާމުތަށް ދީފައެވެ.