ރައްޔިތުންގެ 500 ފްލެޓް ގެއްލުވާލާ، ދަޢުލަތުގެ ބޮލުގައި މުއިއްޒު އެޅުވީ 128 މިލިއަން ރުފިޔާގެ ލޯނެއް!

ޔާމީން ސަރުކާރުން ގެދޮރުވެރި ކުރުވުމުގެ ނަމުގައި ރައްޔިތުންނަށް ދީފައިވާ ކެހިތަކުގެ ވާހަކައަކީ ދައްކައި ކޮޅުންލާނެ ވާހަކަތަކެއް ނޫނެވެ. ބޮޑެތި އަދަދުތަކުން ލޯނުތައް ނަގައި، ދައުލަތް ދަރަނިވެރި ކުރުވިއިރު، ތަރައްޤީގެ ނަމުގައި ދައުލަތުގެ ފައިސާއަށް ވެފައިވާ ހިޔާނާތް މާ ބޮޑުކަމަށް ގިނަ ބަޔަކު ދެކެއެވެ. މި ކަންކަމުގައި ރައީސް ޔާމީނަށް އެހީތެރިވެދިނުމުގައި އެމަނިކުފާނުގެ ކެބިނެޓުގައި ހިމެނިވަޑައިގަންނަވާ ވަޒީރުން ކުރައްވާފައިވާ ކަންކަމުގެ ނަތީޖާވެސް މިއަދު ރައްޔިތުންނަށް ދަނީ ފެންނަމުންނެވެ. އޭގެ ތެރެއިންވެސް ކުރީގެ ހައުސިންގ މިނިސްޓަރ ޑރ މުޙައްމަދު މުއިއްޒުގެ ވާހަކަތައް ދައްކާ ކޮޅުން ނުލާނެއެވެ.

މާލޭ ސަރަޙައްދާއި ގދ ތިނަދޫ ހިމެނޭ ގޮތަށް 500 ފްލެޓް އިމާރާތްކުރުމަށް ދިވެހި ސަރުކާރާއި އިންޑިއާގެ ކުންފުންޏެއް ކަމަށްވާ އޯވަސީޒް އިންފްރާސްޓްރަކްޗާ އެލަޔަންސްއާއެކު 20 ނޮވެންބަރު 2011 ގައި އެއްބަސްވުމެއްގައި ސޮއި ކުރިއެވެ. ޢަދި އިންޑިއާގެ އެގްޒިމް ބޭންކުގެ ލޯން އެހީގައި މި މަޝްރޫޢުއަށް ބޭނުންވާ 8.31 މިލިއަން ޑޮލަރު (128 މިނިއަން ރުފިޔާ)ގެ ލޯނު ހަމަޖެހި 2012 ވަނަ އަހަރު ވަނީ ލޯނުވެސް އެޕްރޫވް ކޮށްފައެވެ.

އެއަށްފަހު ޔާމީންގެ ސަރުކާރު އައިސް، މި މަސައްކަތް ކުރަމުންދިޔަ ކުންފުންޏާ ސަރުކާރާ ދެމެދު މައްސަލަތައް ކުރިމަތިވާން ފެށިއެވެ. އެގޮތުން 2015 ވަނަ އަހަރު ކުންފުންޏަށް ދީފައިވާ ޕާރފޯމެންސް ގެރެންޓީގެ މުއްދަތު ހަމަވެ މަސައްކަތްވެސް ހުއްޓުމަކަށް ދިޔައެވެ. އެހެން ނަމަވެސް، ޕާރފޯމެންސް ގެރެންޓީ ދިނުމަށް އޭރުގެ ހައުސިން މިނިސްޓަރ މުޢިއްޒު ގެންދެވީ ތަކުރާރުކޮށް ދެކޮޅު ހައްދަވަމުންނެވެ. އެގޮތުން 06 އޮކްޓޯބަރ 2015 ގައި މަސައްކަތް ހުއްޓާލުމާ ހަމައަށްވެސް ކުންފުނިން އެތައް މަސައްކަތެއް ކުރި ނަމަވެސް، މިނިސްޓަރ އެކަމަށް އިޖާބަ ދެއްވާފައެއް ނުވެއެވެ. ރައީސް ނަޝީދުގެ ސަރުކާރުން ފެށި މި މަޝްރޫއު ޔާމީން ސަރުކާރުގައި މުޅިން އޮޅުން ބޮޅުންވެ، އެންމެ ފަހުން އެތައް މިލިއަނެއްގެ ގެއްލުން ލިބުނީ ދިވެހިރާއްޖެއަށެވެ.

މިނިސްޓްރީ އޮފް ހައުސިން އާ އިންޑިއާ ސަރުކާރާއި ދެމެދު އުފެދުނު މައްސަލަތައް ހައްލު ނުކުރެވި އިންޑިއާ ދިވެހިރާއްޖެ ގުޅުން ހީނަރުވަމުން ގޮސް އެންމެ ފަހުން ކާހެދި އިންޑިއާގެ ލޯނުވެސް މެދުކަނޑާލިއެވެ. އޭރު އެ މަސައްކަތް ކުރަމުންދިޔަ ކުންފުނިން ދިވެހިރާއްޖޭގައި އޮފީސް ހުޅުވައި ފްލެޓް އެޅުމަށް ބޭނުންވާ ދަނގަޑާއި ސިމެންތި އަދި ހިލަ ފަދަ ތަކެތި ފްލެޓް އެޅުމަށް ކަނޑައެޅިފައިވާ ތަންތަނަށް ގެންދިއުމުގެ މަސައްކަތްވެސް އޮތީ ފަށާފައެވެ. އެގޮތުން ކުންފުނިން ވަނީ އެތަށް މިލިއަން ރުފިޔާއެއްގެ ތަކެތި ދިވެހިރާއްޖެ ގެނެސް ސައިޓުތަކަށް ޖަމާކޮށްފައެވެ. އެއާއެކުވެސް އެ މަޝްއޫރު ކުރިއަށް ގެންދިއުމަށް މަޝްވަރާތައް ކުރުމަށް ބޭންކުގެ ވެރިންނާއި، ކުންފުނިންވެސް އެތައް މަސައްކަތެއް ކުރިއެވެ. އެހެން ނަމަވެސް އެ ހުރިހާ މަސައްކަތެއް ފަނުފުލުން ދިޔައީ މިނިސްޓަރ މުއިއްޒު ގަސްދުގައި މަޝްރޫއު ފޭލް ކޮށްލުމަށް ކުރި މަސައްކަތްތަކުގެ ސަބަބުންނެވެ.

އެންމެ ފަހުން މިނިސްޓަރ މުއިއްޒުގެ ސަބަބުން މި މުޅި މަޝްރޫއުވެސް ހުއްޓިގެން ދިޔައީއެވެ. ބޯހިޔާވަހިކަމުގެ އުއްމީދުގައި ތިބި އެތައް ރައްޔިތުންނެއް މާޔޫސްކޮށްލާފައެވެ. މިއީ ދައުލަތަަށް ގެއްލުންވާ ގޮތަށް މިނިސްޓަރ މުއިއްޒު ކުރައްވާފައިވާ ކަންކަމުގެ ކުޑަ މިންވަރެކެވެ.