މިއަދު 100ށް ވުރެ ގިނަ ދިވެހިން ކޮވިޑަށް ޕޮޒިޓިވްވި
28 އޯގަސްޓު 2020 | ހުކުރު 17:30114 ދިވެހިން ވަނީ ޕޮޒިޓިވް
ކޮވިޑް-19، މާލޭގެ މަގުމަތި
އިތުރު 140 މީހަކު ކޮވިޑް-19 އަށް ޕޮޒިޓިވްވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ، ޕޮޒިޓިވްވި މީހުންގެ ތެރޭގައި ހިމެނެނީ 114 ދިވެހިންނާއި ބަންގްލަދޭޝްގެ 17 މީހުން އަދި އިންޑިއާގެ ތިން މީހުންގެ އިތުރުން ނޭޕަލްގެ ދެ މީހެއް ކަމަށެވެ. އަދި އެހެނިހެން ގައުމުތަކަށް ނިސްބަތްވާ 4 މީހެއް ހިމެނެއެވެ.
މި އަދަދުތަކާއި އެކު ޕޮޒިޓިވް ކޭސްތަކުގެ އަދަދު ވަނީ 7469ށް އަރާފައެވެ. ބަލި ޖެހުނު މީހުންގެ ތެރެއިން 192 މީހަކަށް ދަނީ ހޮސްޕިޓަލުގައި އެޑްމިޓް ކޮށްގެން ފަރުވާދެމުންނެވެ.
ހުކުރު ދުވަހު ބަލިން ފަސޭހަ ވެފައިވަނީ 182 މީހުންނެވެ. އެ އަދަދާއެކު ޖުމްލަ ރިކަވަރީގެ އަދަދު ވަނީ 4837ށް އަރާފައެވެ. މާލޭގެ އިތުރުން މި ވަގުތު 32 ރަށަކުން ކޭސްތަކެއް ވަނީ ފެނިފައެވެ. އަދި 15 ރިސޯޓަކުން ކޭސްތަކެއް ފެނިފައިވާއިރު އެ ރިސޯޓުތަކުން 15 ފަތުރުވެރިޔަކާއި 19 މުވައްޒަފަކު ވެސް ވަނީ ޕޮޒިޓިވްވެފައެވެ.
