މާލީގެ ކުރީގެ ރައީސް ހައްޔަރުން ދޫކޮށްލައިފި
27 އޯގަސްޓު 2020 | ބުރާސްފަތި 20:54ބޮބާކާރް މިހާރު ވަނީ ހައްޔަރުން ދޫކޮށްލާފައި
މާލީގެ ކުރީގެ ރައީސް އިބްރާހިމް ބޮބާކާރް ކެއިޓާ
މާލީގެ ކުރީގެ ރައީސް އިބްރާހިމް ބޮބާކާރް ކެއިޓާ ހައްޔަރުން ދޫކޮށްލައިފިއެވެ.
މާލީގެ އަސްކަރީ އޮފިޝަލަކާ ޙަވާލާދީ އަލްޖަޒީރާގައި ރިޕޯޓް ކޮށްފައިވާ ގޮތުން، ބޮބާކަރް ހައްޔަރުން ދޫކޮށްލާފައިވަނީ ބުރާސްފަތި ދުވަހުގެ ވަގުތެއްގައެވެ.
ބަޣާވަތް ރޭވުމުގައި އިސްކޮށް ހަރަކާތްތެރިވި ލީޑަރަކު ބުނީ ބޮބާކާރް މިހާރު ވަނީ ހައްޔަރުން ދޫކޮށްލާފައި ކަމަށާއި، އޭނާ ހައްޔަރުކުރީ ވެރިކަމުން އިސްތިއުފާ ނުދިނުމާއި ގުޅިގެން ކަމަށެވެ. މީގެ އިތުރުން ބަޣާވަތް ރޭވުމުގައި އިސްކޮށް ހަރަކާތްތެރިވި ލީޑަރަކު ބުނީ ބޮބާކަރްގެ ހާލު ކޮޅު ރަނގަޅު ކަމަށާއި، އޭނާ އާއި މެދު ކަން ކޮށްފައިވާނީ ރަނގަޅަށް ކަމަށެވެ.
މިހިނގާ 18 އޮގަސްޓުގައި މާލީގެ ވެރިކަން ވައްޓާލުމަށް ހިންގި އަސްކަރީ ބަޢާވަތް ހޫނުވެ، ބޮބާކަރްގެ އިތުރުން އެ ޤައުމުގެ ބޮޑު ވަޒީރު ބޯބޯ ސިޒޭ އާއި ސަރުކާރުގެ އިސް ބައެއް އޮފިޝަލުން ވެސް އެމީހުންގެ އަތްދަށަށް ގެންދިޔައެވެ. އެގޮތުން ވެރިކަމާ ދެކޮޅަށް ކުރި މި ބަޢާވަތްތައް ބޮޑު ލޭއޮހޮރުވުމަކަށް ބަދަލުވުމުގެ ބިރު އޮތުމުން ޖެހިގެން އައި ދުވަހު ބޮބާކަރް ވަނީ މަޤާމުން އިސްތިއުފާ ދެއްވާފައެވެ.
މާލީގެ ވެރިކަން ބަޣާވާތަކުން ވައްޓާލުމުގައި އެންމެ އިސްކޮށް ހަރަކާތްތެރިވީ އެ ގައުމުގެ ސަރުކާރާއި ދެކޮޅަށް ހަނގުރާމަ ކުރާ ސިފައިންނެވެ.
