އެސްޓީއޯ އިން ފުލުހުންގެ ލެބަށް ޕީސީއާރް މެޝިނެއް ހަދިޔާ ކޮށްފި
ފުލުހުންގެ ލެބްގައި ކުރިންވެސް އައީ ޓެސްޓުކުރަމުން
އެސްޓީއޯ އިން ފުލުހުންގެ ލެބަށް ޕީސީއާރް މެޝިން ހަދިޔާ ކުރަނީ
ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން ކޮވިޑް-19 އަށް ޓެސްޓު ކުރާ ޕީސީއާރް ޓެސްޓު މެޝިނެއް ފުލުހުންގެ ލެބޯރަޓަރީ އަށް ހަދިޔާ ކޮށްފިއެވެ.
އެ މެޝިނަކީ ބަޔޯރަޑް ސީއެފްއެކްސް ނައިން ސިކްސް ބްރޭންޑުގެ ޕީސީއާރް މެޝިނެކެވެ.
ޕީސީއާރް މެޝިން ފުލުހުންގެ ހެޑް އޮފް ފޮރެންސިކް ސާވީސްގެ ޑައިރެކްޓަރޭޓް އަބްދުﷲ އަހުމަދުއާ ރަސްމީކޮށް ހަވާލުކޮށް ދެއްވީ އެސްޓީއޯގެ މޭނެޖިން ޑިރެކްޓަރ ހުސައިން އަމްރުއެވެ. މި މެޝިންއާ އެކު ކޮވިޑަށް ޓެސްޓު ކުރުމުގެ ކެޕޭސިޓީ އިތުރުވެގެންދާނެ ކަމަށް އެސްޓީއޯއިން ބުންޏެވެ.
ފުލުހުންގެ ލެބްގައި ދުވާލެއްގެ މައްޗަށް 140 އަށް ވުރެ ގިނަ ޓެސްޓު ހެދެއެވެ. މާލޭގެ އައިޖީއެމްއެޗް، އޭޑީކޭގެ އިތުރުން އަތޮޅު ތެރޭގެ ފަސް ސަރަހައްދެއްގައި ކޮވިޑް-19 އަށް ޓެސްޓު ކުރެވޭނެ އިންތިޒާމްތައް ވަނީ މިހާރު ހަމަޖައްސާފައެވެ.
ރާއްޖޭގައި ކޮވިޑް-19 ޖެހޭ މީހުންގެ އަދަދު ދަނީ ދުވަހެއް ދުވަހަކަށް އިތުުރުވަމުންނެވެ. ބަލިން ރައްކާތެރިވުމުގެ ގޮތުން ގިނަ ފިޔަވަޅުތަކެއް އަޅަމުން ދިޔަ ކަމުގައިވިޔަސް އަދިވެސް އެންމެ އެކަށީގެންވާ ވަރަށް ބަލި ކޮންޓްރޯލް ނުކުރެވޭ ކަމަށް ސިއްހީ މާހިރުން ދަނީ ބުނަމުންނެވެ.
