ނިއު ޔޯކް: 20 އިންސައްތައަކީ އެހެން ސްޓޭޓްތަކުން އަންނަ މީހުންގެ ގައިން ފެންނަ ކޭސްތައް!
27 އޯގަސްޓު 2020 | ބުރާސްފަތި 02:12ދަތުރުކޮށްފައި އަންނަ މީހުން ކަރަންޓީންވުމަށް އެދިފައިވޭ
ނިއު ޔޯކް ސިޓީގެ މޭޔަރު ބިލް ޑެ ބްލާސިއޯ، އެސިޓީން ކޮވިޑް-19 ކޮންޓްރޯލް ކުރުމަށް ޚާއްސަ ފިޔަވަޅުތަކެއް އަޅާނެ ކަމަށް ވިދާޅުވެފައިވޭ | -
އެމެރިކާގެ ނިއު ޔޯކް ސިޓީން މިހާރު ފެންނަމުންދާ ކޮވިޑް-19ގެ ކޭސްތަކުގެ ތެރެއިން 20 އިންސައްތައަކީ އެމެރިކާގެ އެހެން ސްޓޭޓްތަކުން އެސިޓީއަށް ދަތުރުކޮށްފައި އަންނަ މީހުންގެ ގައިން ފެންނަ ކޭސްތައް ކަމަށް އެގައުމުން ބުނެފިއެވެ.
ނިއު ޔޯކް ސިޓީގެ މޭޔަރު ބިލް ޑެ ބްލާސިއޯ ވިދާޅުވީ މިހާރު އެސިޓީން ފެންނަ ކޭސްތަކުގެ ތެރެއިން 20 އިންސައްތައަކީ ކަރަންޓީންގެ ލިސްޓުގައިވާ 31 ސްޓޭޓުން ނިއު ޔޯކްއަށް ދަތުރުކުރާ މީހުންގެ ގައިން ފެންނަ ކޭސްތައް ކަމަށެވެ.
ބްލާސިއޯ ވިދާޅުވީ ޝެރިފް އޮފީހުން ވައިރަސް ކޮންޓްރޯލް ކުރުމަށް ކުރަމުންދާ މަސައްކަތުގެ ތެރެއިން ނިއު ޔޯކް ސިޓީއަށް އެތެރެވާ މީހުން ދަތުރުކުރާ ވެހިކަލްތައް ޗެކްކުރުމުގެ މަސައްކަތް ކުރަމުންދާ ކަމަށެވެ. އެގޮތުން 3000އަށްވުރެ ގިނަ ވެހިކަލް ހުއްޓުވައި އެމީހުންގެ ޓެންޕަރޭޗަރ ބަލައި ބަލީގެ އަލާމާތެއް ހުރިތޯ ބަލާފައިވާ ކަމަށެވެ. އަދި 12000 ވުރެ ގިނަ މީހުންނަށް މާސްކް ދިނުމުގެ އިތުރުން ބަލިން ރައްކާތެރިވުމަށް ބޭނުންކުރާ އެކިއެކި އާލާތްތައް ފޯރުކޮށްދީފައިވާ ކަމަށް ވިދާޅުވިއެވެ.
އެހެން ސްޓޭޓްތަކުން ނިއު ޔޯކްއަށް އަންނަ މީހުން ކަރަންޓީންވުމަށް ވެސް މޭޔަރު ވަނީ އެދިފައެވެ.
ކޮވިޑް-19 ހަލުހިމިނެއްގައި ފެތުރެމުންދާއިރު، އެމެރިކާއަކީ އެންމެ ގިނަ މީހުން ބަޔަށް ޕޮޒިޓިވްވަމުންދާ ގައުމެވެ.
