ބަހްރައިނަށް ރާއްޖެއިން ކަނޑައަޅާފައި ހުންނަވާ ނޮން-ރެސިޑެންޓް ސަފީރުކަމަށް ޚަލީލް
24 އޯގަސްޓު 2020 | ހޯމަ 09:19ޚަލީލު ވަނީ ސިންގަޕޫރަށް ރާއްޖެއިން ކަނޑައަޅުއްވާފައި ހުންނަވާ ހައިކޮމިޝަނަރުކަން ކުރައްވާފަ
ސަޢުދީ ޢަރަބިއްޔާއަށް ދިވެހިރާއްޖެއިން ކަނޑައަޅާފައި ހުންނަވާ ސަފީރު، މުހައްމަދު ހަލީލް
ސަޢުދީ ޢަރަބިއްޔާއަށް ދިވެހިރާއްޖެއިން ކަނޑައަޅާފައި ހުންނަވާ ސަފީރު، މުޙައްމަދު ޚަލީލް، ބަހްރައިނަށް ދިވެހިރާއްޖެއިން ކަނޑައަޅާފައި ހުންނަވާ ނޮން-ރެސިޑެންޓް ސަފީރުކަމަށް ޢައްޔަނު ކުރުމަށް ރައްޔިތުންގެ މަޖިލީހުން ރުހުން ދީފިއެވެ.
މަޖިލީހުން މުޙައްމަދު ޚަލީލް ބަހްރައިނަށް ދިވެހިރާއްޖެއިން ކަނޑައަޅާފައި ހުންނަވާ ނޮން-ރެސިޑެންޓް ސަފީރުކަމަށް ޢައްޔަނު ކުރުމަށް ރުހުންދީފައިވަނީ 57 މެމްބަރުންގެ ވޯޓާއިއެކުއެވެ.
ޚަލީލް އަކީ ބަހްރައިނަށް ދިވެހިރާއްޖެއިން ކަނޑައަޅާފައި ހުންނަވާ ނޮން-ރެސިޑެންޓް ސަފީރު ކަމަށް ޢައްޔަނު ކުރުމަށް އެކަށީގެންވާ ބޭފުޅެއް ކަމަށް މަޖިލީހުގެ ގައުމީ ސަލާމަތާއި ޙާރިޖީ ގުޅުންތަކުގެ ކޮމެޓީއިން ނިންމާފައިވަނީ އޮގަސްޓް މަހުގެ 17 ވަނަ ދުވަހު ބޭއްވި ކޮމެޓީ ބައްދަލުވުމަށް ހާޒިރުވެވަޑައިގެން، ވޯޓުގައި ބައިވެރިވެވަޑައިގެންނެވި މެމްބަރުންގެ އަޣުލަބިއްޔަތުންނެވެ.
ކޮމިޓީން މިގޮތަށް ނިންމާފައިވަނީ ހަލީލަކީ ބައިނަލްއަގްވާމީ އެކި ދާއިރާތަކިގައި މަސައްކަތް ކުރައްވާ، ޑިޕްލޮމެޓިކް މިޝަންއާއި ތައުލީމާއި ތަޖުރިބާގެ ގޮތުން އެ މަގާމަށް އައްޔަނު ކުރުމަށް އެންމެ އެކަށީގެންވާ ބޭފުޅަކަށް ވާތީއެވެ.
ސަޢޫދީ ޢަރަބިއްޔާއަށް ދިވެހިރާއްޖެއިން ކަނޑައަޅާފައި ހުންނަވާ ސަފީރު ކަންވެސް ކުރައްވާ މުޙައްމަދު ޚަލީލް އަކީ އޯގަނައިޒޭޝަން އޮފް ދި އިސްލާމިކް ކޯޕަރޭޝަން (އޯ.އައި.ސީ) އަށް ދިވެހިރާއްޖެއިން ކަނޑައަޅާފައި ހުންނަވާ ސަފީރުއެވެ. އަދި އޮމާނަށް ރާއްޖެއިން ކަނޑައަޅާފައި ހުންނަވާ ނޮޮން ރެޒިޑެންޓް ސަފީރުކަމުގެ މަގާމު ވެސް އޭނާ ގެންދަވަނީ އަދާ ކުރައްވަމުންނެވެ.
ޚަލީލަކީ ސިންގަޕޫރަށް ރާއްޖެއިން ކަނޑައަޅުއްވާފައި ހުންނަވާ ހައިކޮމިޝަނަރުގެ މަޤާމުގެ އިތުރުން އެކްޓިން ހައިކޮމިޝަނަރުގެ މަޤާމު ވެސް އަދާކުރައްވާފައިވާ ބޭފުޅެކެވެ.
ޚަލީލް ވަނީ 1983 ވަނަ އަހަރުން ފެށިގެން ސަރުކާރުގެ އެކިފަންތީގެ މަޤާމުތައް ފުރުއްވާފައެވެ. މީގެއިތުރުން ޚަލީލު ވަނީ އިންޑިޔާގެ ޖަވާހަރްލާލް ނެހުރޫ ޔުނިވަރސިޓީން އެންވަޔަރަންމެންޓަލް ލޯ އެންޑް ޕޮލިސީގެ ދާއިރާއިން ޑިޕްލޮމާ ޙާޞިލު ކުރައްވާފައެވެ.
