170 މީހަކު ޕޮޒިޓިވް، އޭގެ ތެރޭގައި 139 ދިވެހިން
18 އޯގަސްޓު 2020 | އަންގާރަ 17:36މި ވައިރަސްގައި 24 މީހަކު ވަނީ ނިޔާވެފައި
ރެންޑަމް ސާމްޕްލިންގެ ތެރެއިން
ކޮވިޑް-19 ޖެހުނު މީހުންގެ ތެރެއިން އަންގާރަ ދުވަހު 170 މީހަކު ރާއްޖެއިން ކޮވިޑް-19 އަށް ޕޮޒިޓިވްވެފައިވާއިރު، އޭގެ ތެރެއިން 139 ދިވެހިން ވަނީ ވައިރަސްއަށް ޕޮޒިޓިވްވެފައެވެ.
އެޗްޕީއޭއިން ބުނީ ބަންގުލަދޭޝްގެ 23 މީހަކާއި، އިންޑިއާގެ 07 މީހަކާއި ސައުތް އެފްރިކާގެ އެއް މީހަކު ހިމެނޭ ކަމަށެވެ. މިއާއެކު ރާއްޖޭގައި ޕޮޒިޓިވްވި މީހުންގެ ޖުމްލަ އަދަދު ވަނީ 6,079ށް އަރާފައެވެ.
އެޗްޕީއޭ އިން ކުރި ޓުވީޓުން ދައްކާ ގޮތުން މިވަގުތު އެކްޓިވް ކޭސްތަކުގެ އަދަދު ވަނީ 2407ށް އަރާފައެވެ. އަދި 144 މީހަކަށް ހޮސްޕިޓަލުގައި ފަރުވާދެމުންދާއިރު 1،429 މީހަކު އައިސޮލޭޓް ކޮށްފައިވާ ކަމަށް ވެސް ބުނެފައިވެއެވެ.
ރާއްޖޭގައި މިހާތަނަށް މި ވައިރަސްގައި 24 މީހަކު ވަނީ ނިޔާވެފައެވެ. ނިޔާވި މީހުންގެ ތެރޭގައި ގިނައީ ދިވެހިންނެވެ. އެގޮތުން 18 ދިވެހިންނާއި، 6 ބިދޭސީން ހިމެނެއެވެ.
