ދެ އަހަރުގެ ކުއްޖަކު ތ. ވިލިފުށިން ކޮވިޑަށް ޕޮޒިޓިވްވެއްޖެ
ވިލިފުށިން ޕޮޒިޓިވްވީ ދެ އަހަރުގެ ކުޑަ އަންހެން ކުއްޖަކު
ވިލިފުށިން ޕޮޒިޓިވްވެފައިވަނީ ދެ އަހަރުގެ ކުޑަ އަންހެން ކުއްޖަކު
ތ. ވިލިފުށިން ދެ އަހަރުގެ ކުޑަ އަންހެން ކުއްޖަކު ކޮވިޑް-19 އަށް ޕޮޒިޓިވްވެއްޖެއެވެ.
ހެލްތް އިމަރޖެންސީ އޮޕަރޭޝަން ސެންޓަރު (އެޗްއީއޯސީ) އިން ބުނީ ވިލިފުށިން ދެ އަހަރުގެ ކުޑަ އަންހެން ކުއްޖަކު ކޮވިޑް-19 އަށް ޕޮޒިޓިވްވެފައިވާ ކަމަށާއި، މި ކުއްޖާ ކޮވިޑަށް ޕޮޒިޓިވްވިކަން އެނގުނީ ކަރަންޓީނުން ވީއްލުމަށް ކުރި ޓެސްޓަށް ފަހު ކަމަށެވެ.
ރާއްޖޭގައި މިހާތަނަށް މި ބަލީގައި 24 މީހަކު ވަނީ ނިޔާވެފައެވެ. ނިޔާވި މީހުންގެ ތެރޭގައި ގިނައީ ދިވެހިންނެވެ. އެގޮތުން 18 ދިވެހިންނާއި، 6 ބިދޭސީން ހިމެނެއެވެ.
މިވަގުތު އެކްޓިވް ކޭސްތައް ފެނިފައިވާ ރަށްތަކަކީ ހއ. ފިއްލަދޫއާއި އިހަވަންދޫ އަދި ހދ. ނާވައިދޫއާއި ނ. މިލަންދޫ، ހދ. ކުރިނބީ، ބ. ކަމަދޫ އަދި ބ. ކުޑަރިކިލު، ރ. ހުޅުދުއްފާރު، ޅ. ނައިފަރު، ކ. ތުލުސްދޫ، ކ. ހިއްމަފުށި، އދ. މާމިގިލި، ވ. ކެޔޮދޫ، ތ. މަޑިފުށި، ތ. ވިލިފުށި، ސ.ހިތަދޫ އަދި ފ. ނިލަންދޫއެވެ. މީގެ އިތުރުން ފުވައްލުމައް ސިޓީ އަދި އައްޑު ސިޓީގެ ފޭދޫން ވެސް އެކްޓިވް ކެސްތައް ވަނީ ފެނިފައެވެ.
މިދިޔަ މަހުގެ 29 ވަނަ ދުވަހުން ފެށިގެން ހޮނިހިރު ދުވަހާ ހަމައަށް އަތޮޅުތަކުން 66 މީހަކު ވަނީ ޕޮޒިޓިވްވެފައެވެ.
