ވ.ރަކީދޫ ބޭރަށް ފަރަށް އެެރި އަސްދާން ދޯނި ފުންކޮށްފި
އަސްދާން ދޯނި ފަރަށް އަރައިފައިވަނީ ހޮނިހިރު ދުވަހު
އަސްދާން ދޯނި ފުންކުރަނިކޮށް: އަސްދާން ދޯނި ފަރަށް އެރީ މަސްވެރިކަމަށް ނުކުމެ އުޅެނިކޮށް
ވ. ރަކީދޫ ބޭރުގައި އޮތް ފަރަށް އެރި އަސްދާން ދޯނި ފުން ކޮށްފިއެވެ.
މޯލްޑިވްސް ނެޝެނަލް ޑިފެންސް ފޯރސް (އެމްއެންޑީއެފް) އިން ހޯމަ ދުވަހު ކުރި ޓްވީޓެއްގައި ބުނީ އަސްދާނު ދޯނި ފުންކުރުމަށް އެމްއެންޑީއެފް މާލޭ އޭރިއާ ކޯސްޓް ގާޑް ސްކޮޑްރަންގެ ޑައިވަރުންނާއި ދޯނީގެ ވެރިފަރާތް ގުޅިގެން ކުރި މަސައްކަތުން އަސްދާން ދޯނި ހޯމަ ދުވަހުގެ 15:08 ހާއިރު ފުންކޮށްފައިވާ ކަމަށެވެ.
އަސްދާން ދޯނި ފަރަށް އަރައިފައިވަނީ ހޮނިހިރު ދުވަހުއެވެ. އެމްއެންޑީއެފް އިން ބުނީ އަސްދާން ދޯނި ފަރަށް އެރީ 26 މީހުންނާއިއެކު މަސްވެރިކަން ކުރުމަށް ނިކުމެ އުޅެނިކޮށް ކަމަށެވެ.
މި ހާދިސާގައި ދޯނިން ދަތުރުކުރި އެއްވެސް މީހަކަށް ގެއްލުމެއް ލިބިފައި ނުވާ ކަމަށް ވެސް އެމްއެންޑީއެފްއިން ބުނެއެވެ.
