ކޮވިޑް-19ށް އިތުުރު 106 މީހަކު ޕޮޒިޓިވްވެއްޖެއެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓެއްގައި ބުނީ، ޕޮޒިޓިވްވީ މީހުންގެ ތެރޭގައި ހިމެނެނީ، 79 ދިވެހިންނާއި، ބަންގްލަދޭޝްގެ 21 މީހުން އަދި އިންޑިއާގެ ފަސް މީހުންގެ ތެރެއިން ނޭޕާލްގެ އެކަކު ކަމަށެވެ. މި އަދަދާއި އެކު ޕޮޒިޓިވް ކޭސްތަކުގެ އަދަދު ވަނީ 5785ށް އަރާފައެވެ. މި ކޭސްތަކުގެ ތެރެއިން 99 ކޭސް އަކީ މާލެ ސަރަހައްދުން ރިޕޯޓް ކުރެވުނު ކޭސްތަކެވެ.

އަދި ހަތް ކޭސްއެއް ރިޕޯޓް ކުރެވިފައިވަނީ ރަށްރަށުންނެވެ. އާދިއްތަ ދުވަހު ބަލިން ފަސޭހަވެފައިވަނީ 141 މީހުންނެވެ. މި އަދަދާއި އެކު ބަލިން ފަސޭހަވި ޖުމްލަ އަދަދު 3349ށް އަރާފައެވެ.

ރާއްޖޭގައި މިހާތަނަށް މި ބަލީގައި 22 މީހަކު ވަނީ ނިޔާވެފައެވެ. ނިޔާވި މީހުންގެ ތެރޭގައި ގިނައީ ދިވެހިންނެވެ.

އަތޮޅު ތެރެއިން މި ވަގުތު ކޮވިޑް-19ގެ ކޭސްތައް ފެނިފައިވަނީ 15 ރަަށަކުންނެވެ.