ރާއްޖެއިން އިތުރު 128 މީހަކު ކޮވިޑް-19ށް ޕޮޒިޓިވް ވެއްޖެއެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ، ޕޮޒިޓިވްވި މީހުންގެ ތެރޭގައި ހިމެނެނީ 83 ދިވެހިންނާއި ބަންގްލަދޭޝްގެ 35 މީހުންނާއި، ލަންކާގެ ހަތަރު މީހުންނާއި އިންޑިއާގެ ހަތަރު މީހުންގެ އިތުރުން ނޭޕާލްގެ ދެ މީހުން ކަަމަށެވެ. މި ކޭސްތަކާއެކު ރާއްޖެއިން ވައިރަސްއަށް ޕޮޒިޓިވް ޖުމްލަ މީހުންގެ އަދަދު ވަނީ 5,494ށް އަރާފައެވެ.

އެޗްޕީއޭގެ މައުލޫމާތުތައް ދައްކާގޮތުން ބަލިން ފަސޭހަވެފައިވަނީ 36 މީހެކެވެ. ބަލިން ފަސޭހަވި ޖުމްލަ މީހުންގެ އަދަދު 2884ށް އަރާފައިވާއިރު، މިވަގުތު ވެސް 156 މީހަކަށް ފަރުވާދެމުން އަންނަ ކަމަށް އެޗްޕީއޭގެ މައުލޫމާތުތަކުން ދައްކައެވެ.

8 ރިސޯޓެއްގައި އެކްޓިވް ކޭސްތައް ހިމެނޭއިރު، އޭގެތެރޭގައި ހިމެނެނީ 6 ފަތުރުވެރިޔަކާއި، 12 މުވައްޒަފެކެވެ.

މިވަގުތު އައިސޮލޭޝަން ފެސިލިޓީތަކުގައި 1476 މީހަކު އެބަތިއްބެވެ.