ހޮސްޕިޓަލަށް ގެންދިޔައިރު ވެސް މަރުވި މީހެއް ކޮވިޑަށް ޕޮޒިޓިވް، މަރުވީ ވައިރަސްގެ ސަބަބުންތޯ ބަލަނީ
13 އޯގަސްޓު 2020 | ބުރާސްފަތި 17:40މަރުވެފައިވަނީ އުމުރުން 83 އަހަރުގެ ފިރިހެނެއް
އިންދިރާ ގާންދީ މެމޯރިއަލް ހޮސްޕިޓަލް
ހޮސްޕިޓަލަށް ގެންދިޔައިރުވެސް މަރުވެފައިވާ މީހެއް ޓެސްޓު ހެދުމުން ކޮވިޑް-19 އަށް ޕޮޒިޓިވްވި ކަމަށާއި އެމީހާ މަރުވީ ވައިރަސްގެ ސަބަބުންތޯ ބަލަމުންދާކަމަށް ހެލްތު އިމަރޖެންސީ އޮޕަރޭޝަން ސެންޓަރު (އެޗްއީއޯސީ) ބުނެފިއެވެ.
ބުރާސްފަތި ދުވަހުގެ ރޭ ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާނު ޑރ. ނަޒްލާ ރަފީގު ވިދާޅުވީ އުމުރުން 83 އަހަރުގެ އެ ފިިރިހެން މީހާ، އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އަށް ގެންދެވުނީ ބުރާސްފަތި ދުވަހުގެރޭ 07:00 ޖެހިހާއިރު ކަމަށެވެ. އަދި އުސޫލުގެ ތެރެއިން ގެނެވޭ އެންމެން ވެސް ޓެސްޓް ކުރެވޭ ކަަމަށާއި އެމީހާ ވެސް ޓެސްޓް ކުރިއިރު ވައިރަސް އަށް ޕޮޒިޓިވްވެފައިވާ ކަމަށް ޑރ. ނަޒްލާ ވިދާޅުވިއެވެ.
ޑރ. ނަޒްލާ ވިދާޅުވީ އޭނާ މަރުވީ ކޮވިޑްގެ ސަބަބުންތޯ ބެލުމުގެ މަސައްކަތް ކުރަމުންދާ ކަމަށާއި އެއަށްފަހު ލިސްޓަަށް އިތުރު ކުރުމާއި މެދު ގޮތެއް ނިންމާނެ ކަމަށެވެ.
އެ މީހާ އަކީ ހޮސްޕިޓަލަށް ގެންދެވުމުގެ ކުރިން ވެސް ވައިރަސްގެ އެއްވެސް އަލާމާތެއް ފެންނަން ނެތް މީހެއް ކަމަށް ޑރ. ނަޒްލާ ވިދާޅުވި އެވެ.
