އިސްރާއީލްއާއި ޔުނައިޓެޑް އެރަބް އެމިރޭޓްސް (ޔޫއޭއީ) ތާރީހީ މުހިންމު ސުލްހައިގެ އެއްބަސްވުމަކަށް އަތުވެއްޖެއެވެ.

އެމެރިކާގެ ރައީސް ޑޮނަލްޑް ޓްރަމްޕު ވިދާޅުވީ ތާރީހީ މުހިންމު ސުލްހައިގެ އެބަސްވުމެއް އިސްރާއީލް ޔޫއޭއީ އާ ދެމެދު އެކުލަވާލާފައިވާ ކަމަށެވެ.

އިސްރާއީލްގެ ބޮޑުވަޒީރު ބެންޔަމިން ނަތަންޔާހޫ، އަބޫދާބީގެ ކްރައުން ޕްރިންސް އަދި ޑެޕިއުޓީ ސްޕްރިމް ކޮމާންޑަރ އޮފް ޔޫއޭއީ ޝެއިޚް މުހައްމަދު ބިން ޒައިދް މައްސަލަތަކާ މެދު މަޝްވަރާކޮށް އެއްބަސްވުމަކަށް އާދެވިފައިވާ ކަމަށް ޓްރަންޕް ވިދާޅުވިއެވެ. އަދި ވިދާޅުވީ އިސްރާއީލް އާއި ޔޫއޭއީ ދެމެދު އޮތް މައްސަލަ ހައްލުކޮށް ދެގައުމުގެ ގުޅުން ރަނގަޅު ގުޅުމަކަށް ބަދަލު ކުރުމަށް އެބަސްވެފައިވާ ކަަމަށެވެ.

މިއެއްބަސްވުމުގެ ދަށުން އިސްރާއީލް ވަނީ ފަލަސްތީންގެ ހުޅަނގު އައްސޭރި ބިނާތައް އިސްރާއީލްގެ ބަޔަކަށް ހެދުން މަޑު ޖައްސާލަން އެއްބަސްވެފައެވެ. ދެގައުމުން ވަނީ ދެގައުމުގެ މެދުގައި ގާއިމްކުރާ ބައިލޭޓްރަލް ގުޅުން ގެންދާނެ ރޯޑްމެޕްއެއް ގާއިމްކުރުމަށް އެއްބަސްވެފައެވެ.

މިއެއްބަސްވުމަކީ ދެގައުމުން އެއްބަސްވުމަކަށް ނާދެވި، ދިގުލައިގެން ގޮސްފައިވާ އެއްބަވުމެކެވެ. ނަމަވެސް އެމެރިކާ މެދުވެރިއެއްގެ ރޯލު އަދާކޮށް މިއެއްބަސްވުން މިވަނީ އަވަސްކޮށްފައެވެ. މިއެއްބަސްވުމުގެ ސަބަބުން މެދުއިރުމަތީގެ ހަމަޖެހުން ރަނގަޅުވާނެ ކަމަށް ގައުމުތަކުގެ ލީޑަރުން ގަބޫލު ކުރެއެވެ.

މީގެ އިތުރުން ކުރިއަށް އޮތް ހަފްތާގައި އިސްރާއީލް އަދި ޔޫއޭއީ އިން ބައިލޭޓްރަލް އެއްބަސްވުންތަކުގައި ސޮއިކުރާނެ ކަމަށް ވެސް ބޭރުގެ މީޑިއާތަކުގައި ރިޕޯޓު ކޮށްފައިވެއެވެ.

މިކަމުގެ ސަބަބުން ދެގައުމުން ވެސް ފަތުރުވެރިކަމާއި، ދެގައުމުގެ ދެމެދުގައިި ޑައިރެކްޓް ފްލައިޓް އޮޕަރޭޓް ކުރުމާއި، ޓެލެކޮމިއުނިކޭޝަން، ނެކްނޮލޮޖީ، ސިއްހީ އަދިވެސް އެކިއެކި ދާއިރާތަކުގައި އިންވެސްޓްކޮށް އެހީތެރިކަން ފޯރުކޮށްދިނުމަށް ފަސޭހަތަކެއް ވެގެންދާނެ ކަމަށެވެ.