ކ. މާލެ
|
13 އޯގަސްޓް 2020 | ބުރާސްފަތި 18:17
ފިއުލް ސަޕްލައިސްގެ ޕެޓްރޯލް ޝެޑް
ފިއުލް ސަޕްލައިސްގެ ޕެޓްރޯލް ޝެޑް
ރާއްޖެއެމްވީ
ޕެޓްރޯލް ޝެޑްތައް
އަމާޒަކީ ސެލްފް ސަރވިސް ޝެޑްތަކެއް ޤާއިމުކުރުން: އެފްއެސްއެމް
 
އެފްއެސްއެމް އިން މިވަގުތު މާލެސިޓީގައި ހަތަރު ޕެޓްރޯލް ޝެޑް ހިންގަމުންދޭ
 
ދިމާވާ އެންމެ ބޮޑު ގޮންޖެހުމަކީ އަދިވެސް ހަމައެކަނި ފައިސާ ބޭނުންކުރާ ކަސްޓަމަރުން އުޅުން

އަމާޒަކީ ސެލްފް ސަރވިސް ޝެޑްތަކެއް ޤާއިމުކުރުންކަމަށް ފިއުލް ސަޕްލައިސް މޯލްޑިވްސް އިން ބުނެފިއެވެ.

ރާއްޖެއެމްވީއަށް ދެއްވި ހާއްސަ އިންޓަވިއުއެއްގައި ފިއުލް ސަޕްލައިސްގެ ސޭލްސް އެޗްއޯޑީ މުހައްމަދު ސައީދު ވިދާޅުވީ އެފްއެސްއެމް އިން މިއަހަރު އަމާޒު ހިފީ މާލެ ސިޓީގައި ހުރި ޕެޓްރޯލް ޝެޑްތަކުގެ ތެރެއިން ކޮންމެވެސް އެއް ޝެޑަކީ ސެލްސް ސަރވިސް ޝެޑަށް ހެދުން ކަމަށެވެ. އެހެންނަމަވެސް އެކަމަށް ހުރަސް އެޅިގެން ދިޔައީ މުޅި ދުނިޔެއަށް ވެސް މި ދިމާވި އެންމެ ބޮޑު ޕެންޑަމިކްގެ ސަބަބުން ކަމަށާއި ހުޅުމާލޭގައި ޤާއިމުކޮށްފައިވާ ޝެޑްގެ ސެޓަޕް ވެސް ހަދާފައިވާނީ ކޭޝް ލެސްކޮށް ހިދުމަތް ދެވޭނެ ގޮތަށް ކަމަށް އޭނާ ވިދާޅުވިއެވެ.

އެ ޝެޑަށް ބޭނުންވާ ސާމާނު (ސޮފްޓްވެއަރ އިންސްޓޯލް ކުރުމާއި ކާޑް ރީޑަރ ހަރުކުރުން) ލިބިއްޖެނަމަ ދެ ހަފްތާއެއްހާ ދުވަހުގެ ތެރޭގައި އެގޮތަށް ޝެޑް ބަދަލު ކުރެވޭނެ ކަމަށް ވިދާޅުވިއެވެ.

ކާނިވާ ކައިރީގައި ހުންނަ އެފްއެސްއެމް 2 އަދި އިންޑަސްޓްރިއަލް ޒޯންގައި ހުންނަ އެފްއެސްއެމް 4 އީޒީފިލް އިން ކޭޝްލެސް ހިދުމަތް ދޭން މިހާރު ފަށާފައިވާއިރު އެ ހިދުމަތް ތައާރަފުކޮށް، ފޯރުކޮށްދިނުމުގައި މިހާރު ދިމާވާ އެންމެ ބޮޑު ގޮންޖެހުމަކީ އަދިވެސް ހަމައެކަނި ފައިސާ ބޭނުންކުރާ ކަސްޓަމަރުން އުޅުން ކަމަށާއި އެއްވެސް ގޮތަކަށް ކާޑު ބޭނުން ނުކުރައްވާ ކަސްޓަމަރުން އުޅޭ ކަމަށް އޭނާ ވިދާޅުވިއެވެ. އެހެންކަމުން އެންމެ ފުރިހަމަ ގޮތުގައި މި ހިދުމަތް ފޯރުކޮށްދިނުމަށް ދަތިވާކަމަށް މުހައްމަދު ސައީދު ވަނީ ފާހަގަކުރައްވާފައެވެ.

މީގެ އިތުުރުން ތެޔޮ އެޅުމަށްފަހު ފައިސާ ދައްކާއިރު ވެސް ބައެއް ޓެކްނިކަލް މައްސަލަތައް ދިމާވާ ކަމަށް މުހައްމަދު ސައީދު ވިދާޅުވިއެވެ.

މިވަގުތު ހަމައެކަނީ ބީއެމްއެލްގެ ކާޑު ބަލައިގަތަސް ކުރިއަތް އޮތް ތާނގައި އުރީދޫ އަދި ދިރާގު ޕޭ ގެ ހިދުމަތް ވެސް ލިބިގެންދާނެ ކަަމަށް އެފްއެސްއެމް އިން ބުނެއެވެ. މިހާރު އެ ދެ ޕެޓްރޯލް ޝެޑްގައި ވެސް ހިދުމަތް ފަށާފައިވަނީ އަޖުމަ ބަލާލުމުގެ ގޮތުން ކަމަށާއި ނަތީޖާއަށް ބެލުމަށް ފަހު އިތުރު ޝެޑްތަކުގައި މި ހިދުމަތް ތައާރަފު ކުރެވިގެންދާނެ ކަމަށް މުހައްމަދު ސައީދު ވިދާޅުވިއެވެ.

މުހައްމަދު ސައީދު އިތުރަށް ވިދާޅުވީ ހުޅުމާލޭއަށް ވުރެން ކުރިން މާލޭގައި އެ ހިދުމަތް ދޭން ބޭނުންވާ ކަމަށެވެ. އެއީ މާލޭގައި ހުރި ޝެޑްތައް ގިނަވެފައި، ހިދުމަތް ހޯދާ ކަސްޓަމަރުންނަށް ފަސޭހަ ކޮށްދިނުމަށް ކަމަށެވެ. އެފްއެސްއެމް އިން ބުނީ މި ބަދަލު ގެނެވުނީ ކޮވިޑް-19 އާއި ގުޅިގެން ހެލްތް ޕްރޮޓެކްޝަން އެޖެންސީ (އެޗްޕީއޭ)ގެ ލަފަޔާއި އެއްގޮތަށް ކަސްޓަމަރުންނާއި މުވައްޒަފުންގެ ސަލާމަތަށްޓަކައި އެޅުނު ރައްކާތެރިކަމުގެ ފިޔަވަޅެއްގެ ގޮތުން ކަމަށެވެ.

އެފްއެސްއެމް އިން މިވަގުތު މާލެސިޓީގައި ހަތަރު ޕެޓްރޯލް ޝެޑް ހިންގަމުން އަންނައިރު ވިލިމާލޭގައި ވެސް ޕެޓްރޯލް ޝެޑެއް ހިންގަމުންދެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
50%
0%
50%
ކޮމެންޓް