އިތުރު 143 މީހަކު ކޮވިޑަށް ޕޮޒިޓިވްވެއްޖެ، ބަލިން ފަސޭހަވީ 35 މީހަކު!
12 އޯގަސްޓު 2020 | ބުދަ 17:21އެގެ ތެރޭގައި ހިމެނެނީ 87 ދިވެހިންނާއި، ބަންގްލަދޭޝްއަށް ނިސްބަތްވާ 40 މީހުން ހިމެނޭ
ކޮވިޑް-19 އަށް ސާމްޕަލް ނެގުމުގައި ހަރަކާތްތެރިވަނީ
ބުދަ ދުވަހު އިތުރު 143 މީހަކު ކޮވިޑް-19 އަށް ޕޮޒިޓިވްވެއްޖެ އެވެ.
ހެލްތު ޕްތޮޓެކްޝަން އެޖެންސީ (ޢެޗްޕީއޭ) އިން ބުނީ އެގެ ތެރޭގައި ހިމެނެނީ 87 ދިވެހިންނާއި، ބަންގްލަދޭޝްއަށް ނިސްބަތްވާ 40 މީހުން ކަމަށެވެ. އޭގެއިތުރުން އިންޑިއާއަށް ނިސްބަތްވާ 10 މީހަކާއި، ނޭޕާލްއަށް ނިސްބަތްވާ 3 މީހެއް، ލަންކާއަށް ނިސްބަތްވާ 2 މީހެއްގެ އިތުރުން މިސްރަށް ނިސްބަތްވާ އެކަކު ހިމެނޭކަމަށް އެޗްޕީއޭއިން ބުންޏެވެ.
އެ 143 މީހުންގެ ތެރެއިން، 140 މީހަކަށް ބަލިޖެހިފަިއވަނީ ގްރޭޓާރ މާލެ ސަރަހައްދުންނެވެ. އަދި 3 މީހަކަށް ބަލި ޖެހިފައިވަނީ އަތޮޅު ތެރެއިންނެވެ. މިޔާއެކު ރާއްޖެއިން ކޮވިޑް-19 ޖެހުނު ޖުމްލަ މީހުންގެ އަދަދު ވަނީ 5366 އަށް އަރާފަ އެވެ.
އެޗްޕީއޭގެ މައުލޫމާތުތައް ދައްކާގޮތުން ބަލިން ފަސެހަވެފައިވަނީ 35 މީހެކެވެ. އެޔާއެކު ބަލިން ފަސޭހަވީ ޖުމްލަ މީހުންގެ އަދަދު 2884 އަށް އަރާފައިވާއިރު، މިވަގުތުވެސް 2461 މީހަކަށް ފަރުވާދެމުން އަންނަކަމަށް އެޗްޕީއެގެ މައުލޫމާތުތަކުން ދައްކަ އެވެ.
ހޮސްޕިޓަލުގައި ފަރުވާދޭންޖެހޭ މީހުންގެ އަދަދު އިތުރުވަމުން އަންނައިރު، މިވަގުތުވެސް 150 މީހަކަށް ހޮސްޕިޓަލުގައި ފަރުވާދެމުން އަންނަކަމަށް އެޗްޕީއެގެ މައުލޫމާތުތަކުން ދައްކަ އެވެ. އަދި 9 ރިސޯޓެއްގައި އެކްޓިވް ކޭސްތައް ހިމެނޭއިރު، އޭގެތެރޭގައި ހިމެނެނީ 6 ފަތުރުވެރިޔަކާއި، 11 މުވައްޒަފެކެވެ.
