ކޮވިޑް ޖެހިގެން އިތުރު މީހަކު މަރުވެއްޖެ، މިއީ 21 ވަނަ މަރު!
12 އޯގަސްޓު 2020 | ބުދަ 06:20މަރުވީ އުމުރުން 77 އަހަރުގެ އަންހެނެއް
އާރްއާރްޓީ ޓީމުން މަގުތަކުގައި ހަރަކާތްތެރިވަނީ
ކޮވިޑް-19 ޖެހިގެން ރާއްޖޭގައި އުމުރުން 77 އަހަރުގެ ދިވެހި އަންހެނެއް ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީ، (އެޗްޕީއޭ) އިން ބުނީ އޭނާ ނިޔާވީ ބުދަ ދުވަހުގެ 9:20 ހާއިރު، ހުޅުމާލެ މެޑިކަލް ފެސިލިޓީގައި ފަރުވާދެމުން ދަނިކޮށް ކަމަށެވެ.
ހެލްތް ޕްރޮޓެކްޝަނުން ހިއްސާ ކޮށްފައިވާ އެންމެ ފަހުގެ މައުލޫމާތަށް ބަލާއިރު އިއްޔެ ވަނީ އިތުރު 66 މީހަކު ކޮވިޑަށް ޕޮޒިޓިވް ވެފައެވެ. ޕޮޒިޓިވްވި މީހުންގެ ތެރޭގައި ހިމެނެނީ 52 ދިވެހިންނާއި ބަންގްލަދޭޝްގެ 12 މީހުންގެ ތެރެއިން އިންޑިއާގެ ދެ މީހުން ކަމަށެވެ. މި އަދަދުތަކާއި އެކު ޕޮޒިޓިވް ކޭސްތަކުގެ އަދަދު ވަނީ 5223ށް އަރާފައެވެ. އެކްޓިވް ކޭސްގެ ގޮތުގައި މި ވަގުތު އުޅެނީ 2354 ކޭސްއެވެ.
ހޮސްޕިޓަލުގައި އެޑްމިޓްކޮށްގެން ފަރުވާދޭ މީހުންގެ އަދަދު އިތުރުވެ، މި ވަގުތު ފަރުވާދެމުންދަނީ 148 މީހުންނެވެ. ބަލިން ފަސޭހަވި މީހުންގެ ޖުމްލަ އަދަދު ވަނީ 2849ށް އަރާފައެވެ.
އަންގާރަ ދުވަހު ވެސް ވަނީ، މި ބަލީގައި އުމުރުން 67 އަހަރުގެ މީހަކު ނިޔާވެފައެވެ.
