އެފްއެސްއެމް އީޒީފިލް 2 އަދި 4 އަކުން ހަމައެކަނި ކާޑުން ފައިސާ ދައްކާ ގޮތަށް ހަމަޖައްސައިފި
އީޒީފިލް 3 ހުޅުމާލެއިން ނަގުދު ފައިސާ އަދި ކާޑުން ފައިސާ ދެއްކޭނެ
އެޗްޕީއޭގެ ލަފަޔާއި އެއްގޮތަށް އެޅުނު ފިޔަވަޅެއް ކަމަށް އެފް އެސް އެމް އިޒީފިލްއިން ބުނޭ
އެފްއެސްއެމް އިޒީފިލް 2 އަދި 4 އަކުން ހަމައެކަނި ކާޑުން ފައިސާ ދައްކާ ގޮތަށް ހަމަޖައްސައިފިއެވެ.
އެފްއެސްއެމް އިން ބުނީ ހޯމަ ދުވަހުން ފެށިގެން އެފްއެސްއެމްގެ އީޒީފިލް 2 (ކާނިވާ ސަރަހައްދު) އަދި އީޒީފިލް 4 (މާލޭ އިންޑަސްޓްރިއަލް ވިލެޖް) އިން ފައިސާ ބަލައިގަންނާނީ ހަމައެކަނި ކާޑުން ކަމަށެވެ.
ނަމަވެސް އެފްއެސްއެމްގެ އީޒީފިލް 1 (ސްޓެލްކޯ ސަރަހައްދު) އަދި އީޒީފިލް 3 ހުޅުމާލެ (ހުޅުމާލެ) އިން ނަގުދު ފައިސާ އަދި ކާޑުން ފައިސާ ދެއްކޭނެ ކަމަށް އެފްއެސްއެމް އިން ބުނެފައިވެއެވެ.
އެފްއެސްއެމް އިން ބުނީ މި ބަދަލު ގެނެވުނީ ކޮވިޑް-19 އާއި ގުޅިގެން ހެލްތް ޕްރޮޓެކްޝަން އެޖެންސީ (އެޗްޕީއޭ)ގެ ލަފަޔާއި އެއްގޮތަށް ކަސްޓަމަރުންނާއި މުވައްޒަފުންގެ ސަލާމަތަށްޓަކައި އެޅުނު ރައްކާތެރިކަމުގެ ފިޔަވަޅެއްގެ ގޮތުން ކަމަށެވެ.
